2015 жылғы 16 наурыздан бастап 20 наурызға дейін Петропавл темір жол көлігі колледжінде Наурыз мерекесіне арналған Жалпы гуманитарлық пәндер циклінің апталығы болды. Байқаулар, сынып сағаттары, сазды кеш өткізілді.

17 наурыз күні өткен «Жігіт сұлтаны» байқауы ең дарынды жігітті анықтады. Студенттер қазақ халқының мақал-мәтелдері, хандары мен батырлары туралы білімдерін сынға салды. Л-23 топ студенті Абсен Асхат «Жігіт сұлтаны» атануға лайық деп танылды. Байқауды оқытушы Ж. Ө. Әділбаева өткізді.

18 наурыз күні колледждің акт залында «Қош келдің, Наурыз!» атты үлкен мерекелік кеш өткізілді. Іс-шарада студенттер мен оқытушылар қазақ халқының «Келін түсіру», «Аластау» дәстүрлерін көрсетіп, гір спорты және арқан тартыс бойынша спорттық сайыстар өткізілді. Сахнаға киіз үй тігіліп, студенттердің қатысуымен мерекелік концерт ұйымдастырылды.

19 наурыз күні оқытушы А. Қ. Қабденова мен Р. С. Жамұлдинова «Халқымның салт-дәстүрлері» тақырыбында сынып сағатын өткізді.

20 наурыз күні оқытушы А. Б. Сүлейменова «Біз Наурыз тойы туралы не білеміз?» сынып сағатын өткізді.

Бірінші және екінші курс студенттері Наурыз мерекесіне арналған қабырға газеттерінің байқауына қатысты.

2015 ж. 19 наурыз күні оқытушы А. Қ. Қабденова мен Р. С. Жамұлдинова «Халқымның салт-дәстүрлері» атты сынып сағатын өткізді. Іс-шараға «Темір жолдардың жылжымалы құрамын пайдалану, техникалық қызмет көрсету және жөндеу» мамандығының студенттері қатысты. Мерекенің шашуы шашылып, Ольга Малиновская мен Азатбек Тағайбек Наурыз мерекесінің қалай тойланатыны, ұлттық ойындар жайлы әңгімелеп берді. Вадим Хлебуш гитарада орындаған әсем әнге кезек берілді. Іс-шараның соңында өткізілген викторина көрермендердің көңілінен шықты.

2015 ж. 31 наурыз күні Петропавл темір жол көлігі колледжінің акт залында ардагерлер хоры өнер көрсетті. Репертуар Ұлы Отан соғысындағы Жеңістің 70 жылдығына арналды.

2015 жылғы 30 наурыз күні Петропавл темір жол көлігі колледжінің кітапханасында кітапхана меңгерушісі Е. В. Моисеева «Құқылы болуға құқығым бар» ұранымен Қазақстан Республикасы Конституциясының 20 жылдығына арналған «Білімдар» құқықтық байқауын өткізді.

Іс-шараны өткізуге Э-21 топ (сынып жетекшісі Л. В. Девальд) және Э-22 топ (сынып жетекшісі Р. С. Жамұлдинова) студенттері қатысты.

Іс-шараның мақсаты: қатысушыларды Қазақстан Республикасының Конституциясымен, оның негізгі ережелерімен, Қазақстан Республикасы азаматтарының құқықтары және міндеттерімен таныстыру, құқықтық білімдерін, саяси ұғымдар мен заң терминдерін түсіну деңгейлерін тексеру.

Байқау бірнеше кезеңнен тұрды:

1. Командаларды құқықтық ширату;

2. Жанкүйерлерге арналған «Өз еліңнің Конституциясын білесің бе?» викторинасы;

3. Командалардың Қазақстан Республикасы азаматының құқықтары мен міндеттерін қаншалықты білетінін анықтайтын практикалық тапсырма;

4. Командалардың берілген мәтіннен Қазақстан Республикасы Конституциясы бөлімдері бойынша қалдырып кетілген ұғымдар мен ойларды анықтау бойынша жұмысы;

5. «Шифрды айырып оқушы» байқауы кезінде анаграммалардан заң терминдеріне қатысты сөздерді құрау керек болды.

Іс-шараға қатысушылар байқауға өте белсенді қатысып, конституциялық құқық бойынша жақсы білімдерін көрсетті. Жеңімпаз команда және үздік құқық білгірлері ынталандыру сыйлықтарымен марапатталды.

Ақбоз үйді үлпілдеткен,

Боз даланы бүлкілдеткен.

Қуанышты күлкің – көктем,

Әсем едің, шіркін, неткен, Наурызым!

Петропавл темір жол көлігі колледжінің әкімшілігі мен кәсіподақ комитеті Сіздерді көктемгі жаңару мерекесі – Наурызбен шын жүректен құттықтайды!

Наурыз – бұл көктем мерекесі, барша табиғат тіріліп, жер-жаһан жаңаратын, жаңа үміттер бүр жаратын шақта тойланады.

Біз Сіздерді осы тамаша көктем мерекесімен құттықтаймыз. Наурыз Сіздердің үйлеріңізге ең бағалы сыйлықтар: отбасы жылуын, өзара түсіністікті, жайлы ахуал мен қаржылық әл-ауқаттың артуын тарту етсін!

Сіздердің шаңырақтарыңызға бақ-береке тілейміз, көктем тек қана қуаныш пен жаңа жетістіктер әкелсін!