14.11.2017
«Толеранттық – игі істер мен сөздердің тілі»
2017 жылы 13 қараша күні кітапхана меңгерушісі Г. М. Қабденова № 2 қалалық кітапханамен бірлесіп «Рухани жаңғыру» бағдарламалық мақаласын жүзіге асыру аясында Бәйкен Әшімов атындағы Петропавл теміржол көлігі колледжінің кітапханасында «Толеранттық – игі істер мен сөздердің тілі» атты сынып сағатын өткізді.
Іс-шараны өткізуге ПВ-11топ және ПВ-21 топ студенттері қатысты.
Толеранттық – жеке адамдардың, әлеуметтік топтардың басқа адамдармен немесе әлеуметтік топтармен қарым-қатынасынан көрініс табатын психологиялық немесе әлеуметтік-психологиялық мінез-құлқы ретінде; қазіргі қоғамның аса маңызды құндылықтарының бірі ретінде; тәуелсіздікке, дербестікке, идеяларды зорлықпен таңуға жол бермеу ретінде; адам еркіндігін шынжырлайтын діни, этникалық, нәсілдік нанымдарды жоққа шығарушы ретінде қарастырылады.
Іс-шараның барысында түрлі халықтардың достығы туралы өлеңдер қазақ, орыс және украин тілінде оқытылды.
«Толерантность. Мы разные, но мы вместе» бейнеролигі, «Туған жер», «Родина моя» бейнефильмдері интербелсенді тақтада көрсетілді. Кітапхана залында «Толеранттық – бейбітшілікке апарар жол» тақырыбындағы кітаптар көрмесі дайындалды.
07.11.2017
Студенттер «ҚР Ұлттық банкі» РММ Солтүстік Қазақстан филиалының өкілдерімен кездесті
Қаржылық сауаттылық – бұл нарықтағы ахуалды дұрыс бағалауға және зерделі шешімдерді қабылдауға мүмкіндік беретін қаржы саласындағы білім мен дағдылардың жеткілікті деңгейі.
Негізгі қаржылық ұғымдарды және оларды іс жүзінде қолдана білу қаражаттарды дұрыс басқаруға, сондай-ақ қаржы институттар ұсынатын күрделі өнімдерді таңдап, саналы негізде өз қалауын жасауға, жинақтық және сақтандыру құралдарын пайдалануға мүмкіндік береді.
Қаржылық-экономикалық сауаттылықты арттыру мақсатында 2017 жылғы 7 қараша күні Бәйкен Әшімов атындағы Петропавл теміржол көлігі колледжінің студенттері «ҚР Ұлттық банкі» РММ Солтүстік Қазақстан филиалының өкілдерімен кездесті.
Кездесуге филиалдың бастығы А.М. Дауренбекова, бас маман Ш.Ж. Баширова, қаржылық ұйымдардың бақылау және қаржылық қызмет ету тұтынушыларының құқықтарын қорғау бөлімінің бас маманы А.А. Медовиков шақырылды.
01.11.2017
«Жастар АИТВ-сыз өмір таңдайды» акциясы
2017 жылғы 01 қараша күні Бәйкен Әшімов атындағы Петропавл темір жол көлігі колледжінің 1-2 студенттері облыстық ЖИТС орталығының мамандары және теміржолдағы СЭС мамандары қатысуымен өткен «Жастар АИТВ-сыз өмір таңдайды» атты акцияға қатысты.
Студенттер үшін АИТВ алдын алу бойынша интербелсенді лекция ұйымдастырылды. Облыстық ЖИТС орталығының мамандары АИТВ адамның қоғамдағы мәртебесін және қаржы жағдайын талғамайтыны туралы тағы бір рет еске салды, ЖИТС-тен құрбандық болған әлемге әйгілі жұлдыздардың фотосуреттерін дәлел ретінде келтірді. АИТВ алдын алу іс-шараларын орындап қана АИТВ-тен сақтануға болады. Облыстық ЖИТС орталығының дәрігер-эпидемиологі оқыған дәрісті тыңдап, деректі бейнефильмдерді көріп болған соң, рөлдік ойындарға қатысты, адамның иммун тапшылығы вирусының таралу жолдарын еске түсірді.
Кездесу аяқталған соң қатысушаларға ақпараттық брошюралар таратып берілді. Қатысушылардың өз қалауы бойынша АИТВ-статусын анықтау үшін жылдам тестілеуден өтуге мүмкіндігі болды.
27.10.2017
«Мой светлый край, родное Приишимье» атты тарихи-өлкетану сағаты
2017 жылғы 27 қазан күні Бәйкен Әшімов атындағы Петропавл теміржол көлігі колледжінің кітапханасында «Мой светлый край, родное Приишимье» атты тарихи-өлкетану сағаты өткізілді. Іс-шараны кітапханашы Т. А. Таран ұйымдастырды.
ДСП-11 топ (сынып жетекшісі Жаравина Л. Н.) және Э-22 топ студенттері (сынып жетекшісі Глумова А. Г.) іс-шараны өткізуге қатысты.
Бұл іс-шара ҚР Президенті Н.Ә.Назарбаевтың «Болашаққа бағдар: рухани жаңғыру» атты бағдарламалық мақаласын жүзеге асыру аясында өткізілді. Бұл бағдарламаның басты кезеңдерінің бірі туған өлкенің дәстүрлеріне, тарихына, мәдениетіне деген қызығушылық және құрмет сезімін арттыру болып табылады.
Сынып сағатын ұйымдастырушылар Батыс Сібір ойпатының оңтүстік-батысындағы Есіл жазығының орманды-дала белдемінде, Есіл өзененнің оң жағасындағы «Қызылжар» деп аталатын ежелгі қазақ қонысының орнында орналасқаны туралы баяндап берді. Өндірістік өнеркәсіптердің көне ғимараттары, темір жол, ғибадатханалар, мешіттер қаланың мақтан тұтатын жерлері аз емес. Осы өңірде туып-өскен, білім нәрін алған адам үшін Петропавлдан жақын жер жоқ.
Тарихи-өлкетану сағаттың өту барысында жерлес ақындарымыздың шығармалары қазақ және орыс тілінде оқытылды. Студенттерге интербелсенді тақтада «Ірі қалалар. Петропавл» атты бейнефильм және слайдтар көрсетілді.
Кітапхана залында «На перекрестках истории».» атты кітаптар көрмесі ұйымдастырылды.
24.10.2017
«Тарих беттерінен» атты зияткерлік ойын
2017 жылғы 24 қазан күні Бәйкен Әшімов атындағы Петропавл теміржол көлігі колледжінің акт залында «Тарих беттерінен» атты зияткерлік ойын болып өтті. Ойынға Б-11, ДСП-11, ОВМ-11 топтардың студенттері белсене қатысты.
Студенттер өз елінің тарихы және географиясы бойынша білімдерін сынасты, шығармашылық қабілеттіліктері мен топпен жұмыс істей білуін көрсетті.
«Пламя» атты үздік команда (Б-11 топ) бірінші орынға ие болды.
