2015 жылғы 6 мамыр күні Ұлы Отан соғысындағы Жеңістің 70 жылдығын мерекелеу аясында Петропавл темір жол көлігі колледжі кітапханасының оқу залында Д-11 топ (сынып жетекшісі Н. А. Урусова) және Т-11 топ (сынып жетекшісі Л. Н. Поролло) студенттерінің қатысуымен «Біздің жерлестеріміз – Ұлы Жеңісті жеткізушілер» атты әскери-патриоттық сағат өткізілді.

Іс-шараның мақсаты 1941-1945 ж.ж. Ұлы Отан соғысындағы оқиғалар, ҰОС майдан далаларында аянбай күрескен біздің қаһарман жерлестеріміз жайлы әңгімелеу еді.

Іс-шараға қатысушылар Ұлы Отан соғысы – біздің еліміздің, біздің әскеріміздің тарихындағы даңқты бет екендігін, осы соғыс бар әлемге біздің қаншалықты күшті екенімізді, ең бастысы, рухымыздың сынбайтынын көрсеткенін атап өтті.

Іс-шараны өткізу барысында соғыс жылдарында жазылып, осы күнге дейін біздің жүректерімізді толқытып жүрген поэзия жолдары оқылды. Соғыс жылдарындағы «Әлия», «День Победы» әндерінің сүйемелдеуімен слайдтар және «Соғыс шежіресі» бейне фильмі көрсетілді.

2015 жылғы 29 сәуір күніПетропавл темір жол көлігі колледжі кітапханасының оқу залында кітапхана меңгерушісі Е. В. Моисеева Ұлы Отан соғысындағы Жеңістің 70 жылдығына арналған «Олар соғысты жеңді» атты зияткерлік байқауын өткізді.

Іс-шараға ПО-11 топ (сынып жетекшісі В. В. Кревень) және ПО-21 топ (сынып жетекшісі А. З. Құсайынова) студенттері қатысты.

Байқау бірнеше кезеңнен тұрды:

1. «Олар Отан үшін күресті» (ҰОС майдан даласында ерлікпен шайқасқан жандардың есімдерін атау);

2. «Найза мен қаламды қатар алып жүргендер» (Екінші дүниежүзілік соғысқа қатысқан ақындар туралы өзінің білімін тексеру);

3. «Соғыс жылдарындағы әндер» (соғыс ауыртпалықтары кезінде жауынгердің ажырамас серігі болып халықтың есінде сақталып қалған әндерді еске түсіру және атау);

4. «Олардың есімдерімен қала көшелері аталған» (біздің қаламыздың көшелеріне аттары берілген солтүстік қазақстандықтарды атау).

Іс-шараға қатысушылар байқауда белсенділік танытты, ҰОС тарихы, соғыс жылдарындағы әндер туралы жақсы білімдерін көрсетіп, біздің жарқын болашағымыз үшін күрескен және өмірлерін қиған жандарға өз ризашылықтарын білдіріп, соғыстан оралмағандарды бір минут үнсіздікпен еске алды. Ұлы Отан соғысындағы тарихи оқиғалардың, соғыс тақырыбына арналған өнер және әдебиет туындыларының үздік білгірлері ынталандыру сыйлықтарымен марапатталды.

Соғыс жылдарындағы «В землянке», «Соловьи», «Катюша», «День Победы» әндерінің сазды сүйемелдеуімен слайдтар көрсетілді.

Петропавл темір жол көлігі колледжінің әкімшілігі «Бейбітшілікті бағалау бізге аманат» әдеби-сазды композициялар байқауына қатысқан Косманов Мерейге (Э-33 топ), Фролова Ксенияға (Т-11 топ), Пономарева Анастасияға (Т-11 топ), Кирина Еленаға (Т-11 топ), Мутшаль Дмитрийге (Э-11 топ) алған ІІІ орын үшін алғыс білдіреді.

2015 жылғы 30 сәуір күні Петропавл темір жол көлігі колледжінде «Электрмен жабдықтау» мамандығы сырттай оқу бөлімінде дипломдық жобаларды қорғау өтті.

Мемлекеттік аттестаттау комиссиясының құрамына:

С. М. Евсин - ЭЧ-4 бас инженері;

С. В. Гузев - ЭЧ-4 еңбекті қорғау жөніндегі жетекші маман;

П. Б. Шипулин - ЭЧ-4 энергия диспечері;

Г. Ш. Галимулин - Петропавл темір жол көлігі колледжі директорының оқу-өндірістік жұмыс жөніндегі орынбасары;

Д. Т. Аусиилов - Петропавл темір жол көлігі колледжі «Электрмен жабдықтау» мамандығы арнайы пәндері ЦӘК төрағасы кірді.

Дипломдық жобалардың тақырыптары өзектілігімен және жаңашылдығымен ерекшеленді. Бірқатар дипломдар комиссия мүшелерінің қызығушылығын жандандырып, жаңашылдық идеялар мен қалыптан тыс батыл шешімдер қолданғандықтан, қызу талқылау мен кәсіби пәкірталасқа әкелді. Студенттер өз жобаларын асқан қызығушылықпен қорғады.

МАК төрағасы С. М. Евсин тәмамдау жұмыстарының деңгейін жоғары бағалады, «Электрмен жабдықтау» мамандығы бойынша білім алу деңгейі соңғы 3 жылда бірнеше мәрте өскенін және қазіргі талаптарға сай екендігін атап өтті.

Дипломдық жобаларды қорғауға 15 түлек жіберілді, олардың ішінде 13 дипломдық жоба орындаушы «үздік» деген бағаға, 2 түлек «жақсы» деген бағаға қорғады.

1 курс В-11 топ студенті Жакенов Темірланды Ұлы Отан соғысының 70 жылдығына арналған облыстық қашықтық олимпиадада иеленген I орнымен құттықтаймыз.

Облыстық олимпиада жеңімпазын дайындағаны үшін Петропавл темір жол көлігі әлеуметтік-экономикалық пәндер оқытушысы Жармұқанова Гүлнар Мұхаметқалиқызы дипломмен марапатталды.