2015 жылғы 8 желтоқсан күні Петропавл темір жол көлігі колледжінде «Қазақстан жаңа жаһандық нақты ахуалда: өсу, реформалар, даму» атты ақпараттық сағат өткізілді.

Іс-шараның негізгі мақсаты: бірінші және екінші курс студенттерін Мемлекет басшысы Н. Ә. Назарбаевтың Қазақстан халқына Жолдауының негізгі жағдайларымен таныстыру.

2015 жылғы 03 желтоқсан күні Петропавл темір жол көлігі колледжінің кітапханасында кітапханашы Т. А. Таран Тұңғыш Президент күніне арналған «Президент және Тәуелсіз Қазақстан» атты ұлттық тарих сағатын өткізді.

Іс-шараны өткізуге Б-21 (сынып жетекшісі И. А. Сергеева), ПО-21 (сынып жетекшісі В. В. Кревень) топ студенттері қатысты.

Іс-шараға қатысушылар Қазақстан Республикасының Тұңғыш Президенті күні – халықтың бірлігі мен Ұлт Көшбасшысы Нұрсұлтан Әбішұлы Назарбаевқа деген асқан сенімін бейнелейтін ерекше мереке екенін атап өтті. Мемлекет басшысы көп ұлтты халқын нық сеніммен бастап барады. Өткізіліп жатқан реформалардың мәнін сабырлылықпен түсіндіріп, олардың жүзеге асырылуын өзінің айбынды беделімен қамтамасыз етіп келеді.

Біздің міндетіміз – қашан болмасын абыройы асқақтаған, адал да мейірімді, жас мемлекетімізді құруды жалғастыруға дайын адам және, әрине, еліміздің нағыз Патриоты болу.

Іс-шараның барысында қазақ, орыс және басқа да тілдерде Мемлекет басшысына арналған поэзия жолдары оқылды. Интербелсенді тақтада Н. Ә. Назарбаевтың өмір жолы туралы слайдтар, «Тұңғыш Президент күні» бейнефильмі, Н. Назарбаевтың өлеңіне жазылған «Менің қалам» әнінің бейнебаяны көрсетілді. «Нұрсұлтан Назарбаев – Ұлт Көшбасшысы» атты кітап көрмесі назарға ұсынылды.

2015 жылғы 30 қараша күні «Өрлеу» ҰБАО АҚ Солтүстік Қазақстан облысы бойынша педагогикалық қызметкерлердің біліктілігін арттыру институты облыс білім беру ұйымдарының сайттары арасындағы байқаудың қорытындыларын шығарды.

Байқаудың мақсаты – білім беру ұйымдарының үздік сайттарын анықтау, қолдау және көпшіліктің назарына ұсыну.

Құрамына кәсіпқойлар мен өз ісінің шеберлері - «Өрлеу» ҰБАО АҚ СҚО бойынша педагогикалық қызметкерлердің біліктілігін арттыру институтының ақпараттық технологиялар бөлімінің мамандары, М. Қозыбаев атындағы СҚМУ-нің ақпараттық жүйелер кафедрасының оқытушылар құрамы енген қазылар алқасы сайттарды бағалауда келесі өлшемдерді ескерді:

– сайттың ақпараттық құрылымы;

– дизайны;

– сайт – өмір айнасы;

– интерактивтілігі;

– сайттың ақпараттық қанықтығы;

– сайт ғаламдық ақпараттық кеңістікке шығу нүктесі ретінде.

Жоғарыда тізілген өлшемдер негізінде Петропавл темір жол көлігі колледжінің сайты 2 орынды иеленді.

Сайтты ақпараттық толықтыруға ат салысқан колледждің барлық оқытушыларын жеңіспен құттықтаймыз!

Петропавл темір жол көлігі колледжінің ұстаздар ұжымы мен студенттері Президент Н. Ә. Назарбаевтың Қазақстан халқына дәстүрлі Жолдауымен танысты. Президенттің үндеуі әлемдік дағдарыс жағдайында біздің елімізді дамытудың негізгі бағыттарына арналған.

Бейбітшілікті сақтап, халықтың әл-ауқатын арттыру – міне, осы Президенттің негізгі мақсаты. Біздің болашақ – тұрақты, толерантты, гүлденген Қазақстан екендігіне сенімдіміз!

2015 жылғы 25 қараша күні Петропавл темір жол көлігі колледжінің кітапханасында кітапхана меңгерушісі Г. М. Қабденова ХІХ ғасыр озық мәдениетінің жарқын өкілі, көрнекті қазақ ғалымы, көптеген ғылымдардың негізін қалаушы және ағартушы Шоқан Уәлихановтың туғанына 180 жыл толуына арналған «Қазақ даласының ұлы перзенті» атты Қазақстанның ұлттық тарихы сағатын өткізді.

Іс-шараны өткізуге Д-21 (сынып жетекшісі Н. А. Урусова), Э-12 (сынып жетекшісі В. А. Иванов) топ студенттері қатысты.

Қатысушылар ғалым өз өмірін қазақ халқына арнағанын, оны шексіз сүйгенін, білімді және гүлденген етіп көруді шын ниетімен қалағанын айтып өтті. Шоқан Уәлихановтың еңбектері – ғалымның өз ғылыми зерттеулеріне негізделген әсерлі, жанды тебірентетін әңгімесі. «Қырғыз хандарының ұрпағы шығыстану көгінен құйрықты жұлдыздай ағып өтті». Бүгінгі күні ұлы ғалым, тарихшы, жазушының азаматтық ерлігі мен бай ғылыми мұрасы адамзаттың игілігіне қызмет етіп келеді.

Іс-шараның барысында Шоқан Уәлиханов туралы жазылған, оның ұлылығына тағзым ететін жыр жолдары оқылды: «Под чьим бы небом не родился, Чокан был неотразим, его услышит всякий».

Интерактивті тақтада слайдтар көрсетіліп, «Аққан жұлдыз» кітап көрмесі ұйымдастырылды. «Шоқан Уәлиханов. Мәдени мұра», «Шоқан Уәлиханов (1835-1865)» бейнероликтері ұсынылды.