2015 жылғы 10 желтоқсан күні Қазақстан Республикасы Тәуелсіздігінің 24 жылдығы қарсаңында Петропавл темір жол көлігі колледжінде «Қазіргі әлемдегі Қазақстан» тақырыбында студенттік ғылыми-тәжірибелік конференция өтті.

Конференцияның мақсаты студенттердің шығармашылық белсенділігін және зерттеу қызметін дамыту еді. Конференцияға «Электрмен қамтамасыз ету», «Есеп және аудит», «Темір жол жылжымалы құрамдарын пайдалану, жөндеу және техникалық қызмет көрсету» мамандықтарының бірінші және екінші курс студенттері қатысты. Конференция жұмысының барысында балалар Қазақстанның әлеуметтік-экономикалық дамуының, халықаралық қатынастарының және спорттық жетістіктерінің өзекті мәселелерін қозғады.

2015 жылғы 9 желтоқсан күні Петропавл темір жол көлігі колледжінде «Қазақстан Республикасының Президенті: Конституция және жаңа Қазақстан» тақырыбында дөңгелек үстел өткізіліп, онда бірінші курс студенттері Тәуелсіз Қазақстанның құрылуындағы Президенттің рөлін талқылауға қатысты. Чен Наталья мен Борзыкина Екатеринаның (Б-11 топ), Масенко Ильяның (В-11), Амиршоев Алишердің (Э-12), Шерстов Дмитрийдің (Э-12 топ) баяндамалары мазмұнды деп танылды.

2015 жылғы 8 желтоқсан күні Петропавл темір жол көлігі колледжінде «Қазақстан жаңа жаһандық нақты ахуалда: өсу, реформалар, даму» атты ақпараттық сағат өткізілді.

Іс-шараның негізгі мақсаты: бірінші және екінші курс студенттерін Мемлекет басшысы Н. Ә. Назарбаевтың Қазақстан халқына Жолдауының негізгі жағдайларымен таныстыру.

2015 жылғы 03 желтоқсан күні Петропавл темір жол көлігі колледжінің кітапханасында кітапханашы Т. А. Таран Тұңғыш Президент күніне арналған «Президент және Тәуелсіз Қазақстан» атты ұлттық тарих сағатын өткізді.

Іс-шараны өткізуге Б-21 (сынып жетекшісі И. А. Сергеева), ПО-21 (сынып жетекшісі В. В. Кревень) топ студенттері қатысты.

Іс-шараға қатысушылар Қазақстан Республикасының Тұңғыш Президенті күні – халықтың бірлігі мен Ұлт Көшбасшысы Нұрсұлтан Әбішұлы Назарбаевқа деген асқан сенімін бейнелейтін ерекше мереке екенін атап өтті. Мемлекет басшысы көп ұлтты халқын нық сеніммен бастап барады. Өткізіліп жатқан реформалардың мәнін сабырлылықпен түсіндіріп, олардың жүзеге асырылуын өзінің айбынды беделімен қамтамасыз етіп келеді.

Біздің міндетіміз – қашан болмасын абыройы асқақтаған, адал да мейірімді, жас мемлекетімізді құруды жалғастыруға дайын адам және, әрине, еліміздің нағыз Патриоты болу.

Іс-шараның барысында қазақ, орыс және басқа да тілдерде Мемлекет басшысына арналған поэзия жолдары оқылды. Интербелсенді тақтада Н. Ә. Назарбаевтың өмір жолы туралы слайдтар, «Тұңғыш Президент күні» бейнефильмі, Н. Назарбаевтың өлеңіне жазылған «Менің қалам» әнінің бейнебаяны көрсетілді. «Нұрсұлтан Назарбаев – Ұлт Көшбасшысы» атты кітап көрмесі назарға ұсынылды.

2015 жылғы 30 қараша күні «Өрлеу» ҰБАО АҚ Солтүстік Қазақстан облысы бойынша педагогикалық қызметкерлердің біліктілігін арттыру институты облыс білім беру ұйымдарының сайттары арасындағы байқаудың қорытындыларын шығарды.

Байқаудың мақсаты – білім беру ұйымдарының үздік сайттарын анықтау, қолдау және көпшіліктің назарына ұсыну.

Құрамына кәсіпқойлар мен өз ісінің шеберлері - «Өрлеу» ҰБАО АҚ СҚО бойынша педагогикалық қызметкерлердің біліктілігін арттыру институтының ақпараттық технологиялар бөлімінің мамандары, М. Қозыбаев атындағы СҚМУ-нің ақпараттық жүйелер кафедрасының оқытушылар құрамы енген қазылар алқасы сайттарды бағалауда келесі өлшемдерді ескерді:

– сайттың ақпараттық құрылымы;

– дизайны;

– сайт – өмір айнасы;

– интерактивтілігі;

– сайттың ақпараттық қанықтығы;

– сайт ғаламдық ақпараттық кеңістікке шығу нүктесі ретінде.

Жоғарыда тізілген өлшемдер негізінде Петропавл темір жол көлігі колледжінің сайты 2 орынды иеленді.

Сайтты ақпараттық толықтыруға ат салысқан колледждің барлық оқытушыларын жеңіспен құттықтаймыз!