05.12.2025
«ЭкоСағат»
2025 жылғы 5 желтоқсанда «ЭкоСағат» акциясы аясында Б. Ашимов атындағы Петропавл машина жасау және көлік колледжінің студенттері үшін лекция өткізілді. «ЭкоСағат» акциясы жастар арасында экологиялық мәдениетті қалыптастыруға бағытталған. Мұндай іс-шаралар студенттердің экологиялық жауапкершіліктің маңыздылығы туралы хабардарлығын арттырып, оларды қоршаған ортаны қорғау саласындағы еріктілік және білім беру бастамаларына қатысуға ынталандырады. Студенттер алдында мемлекеттік экологиялық бақылау бөлімінің басшысы Мапенов Асхат сөз сөйледі. Кездесу барысында білім алушылар департаменттің негізгі қызмет бағыттарымен жан-жақты танысып, «Таза Қазақстан» мемлекеттік бағдарламасының іске асырылу барысы туралы ақпарат алды.
04.12.2025
Кәсіптік бағдар беру экскурсиясы
Жұмысшы мамандықтар жылы аясында 2025 жылғы 4 желтоқсанда «Байкен Әшімов атындағы Петропавл машина жасау және көлік колледжі» КМҚК №5 орта мектептің 9-сынып оқушыларына арналған кәсіптік бағдар беру экскурсиясы өтті. Экскурсияның мақсаты – жұмысшы мамандықтарды насихаттау. Мектеп оқушылары колледждің мамандықтарымен және материалдық-техникалық базасымен танысты.
04.12.2025
«Біз және заң» интеллектуалды құқықтық турнирі
2025 жылғы 4 желтоқсанда Байкен Әшімов атындағы Петропавл машиналар жасау және көлік колледжінің 1-курс студенттері арасында халықаралық сыбайлас жемқорлыққа қарсы күрес күніне арналған «Біз және заң» атты интеллектуалды құқықтық турнир өткізілді. Жюри құрамына студенттік өзін-өзі басқару мүшелері және колледждің «Саналы ұрпақ» құқық клубының мүшелері кірді. Командалардың знатоктары құқықтық білімінің жоғары деңгейін және кең интеллектуалды көзқарасын көрсетті.
Подоляник А.А. – жастар ісі жөніндегі инспектор
04.12.2025
«Батырдың дана қаламы…» әдеби-танымдық кеші
2025 жылдың 4 желтоқсанында Байкен Әшімов атындағы Петропавл машина жасау және көлік колледжі студенттері үшін Бауыржан Момышұлының 115 жылдық мерейтойына арналған «Батырдың дана қаламы…» атты әдеби-танымдық кеш өткізілді. Іс-шараны И.Шухов атындағы Орталық қалалық кітапхана қызметкері Виктория Вячеславовна Таран ұйымдастырды. Кеш барысында студенттер даңқты қазақ қолбасшысы, Кеңес Одағының Батыры және жазушы Бауыржан Момышұлының өмірбаяны мен шығармашылығымен танысты.
Подоляник А.А. – жастар ісі жөніндегі инспектор
04.12.2025
«Кәсіптік білім берудің өзекті трендтері мен даму бағыттары» XI Халықаралық ғылыми-практикалық конференциясы
2025 жылғы 4 желтоқсанда XI Халықаралық ғылыми-практикалық конференция онлайн форматта өтті. Конференция кәсіптік білім беру жүйесінде мамандарды дайындаудың сапасын арттыруға арналған ғылыми, педагогикалық және әдістемелік аспектілерді талқылауға бағытталған. Конференцияның мақсаты – технологиялық және әлеуметтік өзгерістер жағдайында кәсіптік білім берудің дамуын анықтайтын қазіргі заманғы тенденциялар мен тәсілдерді жан-жақты қарастыру. Конференцияны «Talap» КЕАҚ, «Механика және металл өңдеу» профилі бойынша Республикалық оқу-әдістемелік бірлестік ұйымдастырды, іс-шара «Жоғары техникалық колледж» КМҚК базасында, сондай-ақ Петропавл қаласындағы Байкен Әшімов атындағы Петропавл машина жасау және көлік колледжі, Солтүстік Қазақстан облысы әкімдігінің Білім басқармасы қолдауымен өткізілді. Конференция жұмысына Қазақстан мен Ресейдің техникалық және кәсіптік білім беру ұйымдарының оқытушылары, әдіскерлері, психологтары және басқа педагогикалық қызметкерлер қатысты. Іс-шара барысында кәсіптік білім беру жүйесін дамыту мәселелері, мамандар даярлаудағы қазіргі заманғы тенденциялар, әлеуметтік серіктестік тиімді модельдері, сондай-ақ инновациялық педагогикалық технологияларды енгізу тәжірибесі талқыланды. Арнайы назар педагогтердің кәсіби шеберлігін арттыру, табысты тәжірибелермен алмасу және олардың әрі қарай кәсіби өсуіне жағдай жасау мәселелеріне бөлінді. Іс-шара қорытындысы бойынша барлық қатысушыларға сөз сөйлеу және белсенді қатысу үшін сертификаттар табыс етіледі.
