2026 жылғы 25 қыркүйекте Байкен Әшімов атындағы Петропавл машина жасау және көлік колледжінде «Өндірістегі 10 күн» акциясы аясында «Кәсіби диалог: тәлімгерден шеберге» атты дөңгелек үстел өтті.
Таңдалған форматтың ерекшелігі неде? Көрермендер алдында «өндірістегі тәлімгер + студент-тәжірибеден өтуші» жұптары сөз сөйледі. Құрғақ теория емес — тек өмірден алынған шынайы оқиғалар!
Студенттер мен олардың тәжірибелі тәлімгерлері жұмыс орнындағы алғашқы күндерінің қалай өткенін, қандай қиындықтарға тап болғандарын және оларды қалай еңсергендерін, сондай-ақ өзіне деген сенімділікті арттыруға көмектескен шағын кәсіби жетістіктері туралы айтып берді.
Өңірдің жетекші кәсіпорындарының өкілдеріне ынтымақтастықтары мен белсенді қатысқандары үшін алғыс білдіреміз: Локомотив депосы, «СЕВКАЗЭНЕРГО» АҚ, Петропавл ЖЭО-2, «ВФ «Поиск» ЖШС, «AVAGRO» ЖШС, «Радуга» ЖШС, Оңтүстік Орал теміржолының Петропавл теміржол станциясы, Петропавл вагон депосы және «ВИВАГА-ЛАДА» ЖШС.
Кездесу соңында барлық қатысушыларға лайықты сертификаттар мен алғыс хаттар табысталды!
2026 жылғы 24 қыркүйекте Байкен Әшімов атындағы Петропавл машина жасау және көлік колледжінің кітапханасында «Еңбек және кәсіп: жетістікке бастар жол» тақырыбында ақпараттық сағат өткізілді.
Еңбек – әр адамның өмірінің ажырамас бөлігі және оның маңызын асыра бағалау қиын. Еңбек тек материалдық әл-ауқатты қамтамасыз етіп қана қоймай, адамның өзін-өзі жүзеге асыруына, өз қабілетін танытуына және тұлғалық дамуына ықпал етеді. Адам еңбек барысында өз қабілеттерін ашады, жаңа білім мен дағдыларды меңгереді, кәсіби шеберлігін жетілдіреді.
Іс-шара барысында ТМ-11 тобының студенттеріне презентация ұсынылып, «Қазақстанның машина жасау саласы» атты бейнефильм көрсетілді. Қатысушылар таңдаған кәсібінің пайда болу және қалыптасу тарихы туралы қызықты деректермен, сондай-ақ оның қазіргі өндірісте қолданылу бағыттарымен танысты.
Студенттердің ерекше қызығушылығын «Еңбек – шеберлікке бастар жол» викторинасы тудырды. Жастар тапсырмаларды сәтті орындап, өз білімдерін, логикалық ойлау қабілеттерін, тапқырлығы мен шығармашылық қабілеттерін көрсетті. Олар «Машина жасау білгірі», «Логика және тапқырлық», «Құпия хабарлама», «Өндірістік әзіл» байқауларына белсенді қатысты.
Кітапхананың оқу залында «Сенің таңдауың – сенің кәсібің» атты кітап көрмесі ұйымдастырылды.
2026 жылдың 24 қыркүйекте Бәйкен Әшімов атындағы Петропавл машина жасау және көлік колледжінің педагогтары мен Student Parliament Club белсенділері «Студенттік өмір – жарқын сәттер кезеңі» атты бірінші курс студенттерін қабылдау рәсімін ұйымдастырды. Іс-шара дәстүрлі түрде квест түрінде өтті. Негізгі мақсаттар: студенттердің белсенді, шығармашылық өмірлік ұстанымын қалыптастыру, бірінші курс студенттерін колледж дәстүрлерімен таныстыру.
Бұл іс-шара студенттердің колледждегі жаңа, мазмұнды өмірге алғашқы қадамы болды. Топтар шынайы командалық рух пен тапқырлық танытып, барлық тапсырмаларды сәтті орындады. Іс-шараның соңында грамоталар табысталып, бірінші курс студенттерін студенттік қауымдастыққа салтанатты түрде қабылдау рәсімі өтті.
Іс-шараны ұйымдастыру мен өткізуге атсалысқан барлық қатысушыларға – педагогтарға, студенттерге және, әрине, біздің бірінші курс студенттеріне алғыс білдіреміз! Сіздер бұл күнді шын мәнінде қуанышты әрі есте қаларлық еттіңіздер!
Колледжге қош келдіңіздер!
2026 жылғы 24 қыркүйекте Петропавл машина жасау және көлік колледжінің Б.Әшімов атындағы «Есеп және аудит» мамандығында білім алатын 2-курс студенттері арасында Еңбек күніне орай «Сандардағы еңбек: бухгалтердің бір күні» атты интеллектуалдық-кәсіби ойын өткізілді.
Іс-шара барысында студенттер құжаттарды тексеру, есептеулердегі қателерді анықтау, түгендеу нәтижелерін айқындау және кәсіби жағдаяттарды шешу бойынша тапсырмаларды орындады.
Ойын қатысушыларға мамандық бойынша алған білімдерін қолдануға, ұқыптылық, дәлдік, жауапкершілік және командада жұмыс істеу қабілеттерін көрсетуге мүмкіндік берді. Барлық кезеңдердің қорытындысы бойынша ең көп ұпай жинаған команда анықталды.
2026 жылғы 24 қыркүйекте Байкен Әшімов атындағы Петропавл машина жасау және көлік колледжінде «Оқитын ұлт» жобасын іске асыру аясында колледж қызметкерлері мен студенттердің Сәбит Мұқанов атындағы Солтүстік Қазақстан облыстық әмбебап ғылыми кітапханасының өкілдерімен кездесуі өтті.
Кездесуге жинақтау және өңдеу бөлімінің басшысы Ляна Александровна Овчаренко және кітапханашы Алмара Омуржановна Ашимова қатысты.
Кездесу ашық диалог форматында өтті. Кітапхана қызметкерлері қатысушыларға «Оқитын ұлт» марафонына қатысудың негізгі кезеңдері туралы айтып, жоба ережелерімен таныстырды және қойылған сұрақтарға жауап берді.
Колледж кітапханасы барлық ниет білдірушілерді «Оқитын ұлт» марафонына қосылуға, жаңа шығармаларды ашуға және өздерінің оқырмандық әсерлерімен бөлісуге шақырады!
Қатысу ережелері, ұсынылатын әдебиеттер тізімі және тіркелу туралы толық ақпарат жобаның ресми сайтында қолжетімді: www.reading-nation.kz
