2026 жылғы 30 қыркүйекте Манаш Қозыбаев атындағы Солтүстік Қазақстан университетінде Қазақстан халқының тілдері күніне орай жыл сайынғы «Полиглот» байқауы өтті. Іс-шараға қаланың түкпір-түкпірінен жиналған талантты әрі көптілді жастар қатысып, өз білімдерін, шығармашылық қабілеттерін және тілдер мен мәдениеттерді үйренуге деген қызығушылықтарын көрсетті.
Қатысушылар қатарында Байкен Әшімов атындағы Петропавл машина жасау және көлік колледжінің «Рельстегі тілдер» командасы да лайықты өнер көрсетті. Команда құрамында Д-11 тобының 1-курс студенттері: Кудряшов Ярослав, Попова Анастасия, Чумакова Анастасия өнер көрсетті. Жастар командалық бірлігін, бастамашылдығын көрсетіп, байқаудың әр кезеңінде өздерін сенімді таныта білді.
Команда үш тілді меңгергенін сахнада ғана емес, материалдарды дайындау барысында да көрсетті. Студенттер өз мамандықтары туралы мазмұнды әрі жарқын бейнеролик түсіріп, шағын жоба дайындады. Екі материалды да қазақ, орыс және ағылшын тілдерінде ұсынды.
Байқаудың жобалық кезеңінде колледж студенттері Қазақстандағы экологиялық туризмді дамытуға арналған «Эко-Қазақстан» жұмысын таныстырды. Жастар саяхаттаудың жаңа мүмкіндіктері туралы айтып, заманауи технологиялар мен жасанды интеллектіні қолдану жолдарын көрсетті.
Команда байқаудың барлық кезеңінен жоғары белсенділікпен және өзіндік ерекшелігімен өтті:
1-тур «Тұсаукесер» / Визитка – команданы үш тілде таныстыру.
2-тур «Білімпаз» / Знатоки – қазақ, орыс және ағылшын тілдерінде блиц-викторина.
3-тур «Жалынды жастармыз!» / Жастар жүрегі жалынға толы – өз мамандығының маңызы туралы шағын жобаны қорғау.
4-тур «Өнерліміз бәріміз» / Бәріміз өнерліміз – қатысушылар өз таланттарын танытқан шығармашылық өнер көрсету.
Байқау тәжірибе алмасуға және жастардың кәсіби қызығушылығын арттыруға тамаша мүмкіндік болды.
Жаңа жетістіктер тілейміз!
2026 жылғы 30 қыркүйекте Байкен Әшімов атындағы Петропавл машина жасау және көлік колледжінің «Машина жасау технологиясы» мамандығында білім алатын ТМ-11 тобының студенттері Петропавл қаласының өнеркәсіптік кәсіпорындарына барып, өндірістік процестің ұйымдастырылуымен, заманауи жабдықтармен және шығарылатын өнімдермен танысты.
«Петромашзавод» кәсіпорнында экскурсияны технологиялық бөлімнің бастығы Динар Мухаметдинов өткізді. Ол студенттерге өндірісті технологиялық дайындаудың ерекшеліктері, бөлшектерді дайындау кезеңдері және мамандардың жұмысын ұйымдастыру туралы айтып берді.
«Мунаймаш» АҚ зауытында экскурсияны өндіріс бастығының орынбасары Эдуард Сергеевич Кислицын өткізді. Студенттер өндірістік учаскелермен, технологиялық жабдықтармен және бөлшектер мен тораптарды дайындаудың негізгі кезеңдерімен танысты.
Кәсіпорын өкілдері бірінші курс студенттеріне дайындамаларды дайындау және өңдеуден бастап дайын бөлшектерді жасап шығару және олардың сапасын бақылауға дейінгі өндірістің толық циклі туралы егжей-тегжейлі айтып берді.
Мұндай экскурсиялар студенттерге болашақ мамандығы туралы практикалық түсінік алуға, оқу орнында алған білімдерінің өндірісте тікелей қолданылуын көруге және машина жасау саласындағы заманауи технологиялармен танысуға мүмкіндік береді.
Кәсіпорындарға бару студенттер үшін пайдалы әрі танымдық іс-шара болып, олардың кәсіби ой-өрісін кеңейтуге және таңдаған мамандығына деген қызығушылығын арттыруға ықпал етті.
2026 жылғы 30 қыркүйекте Байкен Әшімов атындағы Петропавл машина жасау және көлік колледжінің педагогтері мен қызметкерлеріне сыбайлас жемқорлыққа қарсы тұрақтылықты қалыптастыру бойынша тренинг өткізілді.
Іс-шараның мақсаты – колледж педагогтері мен қызметкерлерінің құқықтық сауаттылық деңгейін арттыру және сыбайлас жемқорлыққа қарсы мәдениетті насихаттау.
Тренингке колледждің комплаенс-қызметінің басшысы Шустова Татьяна Александровна, комплаенс-қызмет комиссиясының мүшелері Абишева Альбина Сеилбековна және Сергеева Ирина Александровна қатысты.
Тренинг қатысушыларына интерактивті тапсырма ретінде қоғамдық өмірдің түрлі салаларында Сыбайлас жемқорлыққа қарсы іс-қимыл орталықтарының жобаларын әзірлеп, қорғау ұсынылды.
2026 жылғы 29 қыркүйекте Байкен Әшімов атындағы Петропавл машина жасау және көлік колледжінің жатақханасында студенттермен алкогольді ішудің зияны туралы профилактикалық әңгіме өткізілді. Іс-шараның мақсаты – өз денсаулығына жауапкершілікпен қарауды қалыптастыру және зиянды әдеттерден саналы түрде бас тартуға тәрбиелеу.
Әңгіме барысында студенттер алкогольдің денсаулыққа, оқу үлгеріміне және айналасындағылармен қарым-қатынасқа әсерін талқылады. Жасөспірімдер арасында зиянды әдеттердің пайда болу себептеріне және құрдастарының жағымсыз ықпалына қарсы тұру жолдарына ерекше назар аударылды.
Іс-шара соңында студенттер алкогольдің адам ағзасына зиянды әсеріне арналған «Зиянды әдеттерге – жол жоқ!» бейнеролигін тамашалады.
2026 жылғы 29 қыркүйекте И. Шухов атындағы Орталық қалалық кітапхананың қызметкерлері Киреева Каламкас Карипулловна және Антоненко Евгения Петровна Байкен Әшімов атындағы Петропавл машина жасау және көлік колледжінің 1-курс студенттеріне арналған «Тығырыққа апарар жол» атты ой-толғау сағатын өткізді.
Іс-шараның мақсаты – жастар арасында алкогольдік ішімдіктер мен психобелсенді заттарды қолданудың алдын алу.
Студенттерге алкогольді қолданудың салдары туралы пікірталас ұйымдастырылып, викторинаға қатысу, тақырыптық интерактивті бейнематериалды тамашалау және жағдаяттық проблемалық тапсырмаларды шешу ұсынылды.
