2026 жылғы 27 наурыз күні «Байкен Әшімов атындағы Петропавл машина жасау және көлік колледжі» КМҚК оқытушылары, қызметкерлері және өндірістік оқыту шеберлеріне арналған «Біз – сыбайлас жемқорлықсыз қоғам үшін!» атты семинар-тимбилдинг өткізілді. Іс-шараның мақсаттары: колледж ұжымының құқықтық мәдениет деңгейін арттыру; сыбайлас жемқорлыққа қарсы сананы қалыптастыру. Семинар командалық жұмысты дамытуға бағытталған іс-шаралар кешенін қамтитын тимбилдинг форматында ұйымдастырылды. Командаларда жұмыс жасай отырып, семинар қатысушылары өздерінің жоғары білімділігін және жан-жақты көзқарасын көрсетті. Келесі интерактивті тапсырмалар ұсынылды: «Құқықтық сөздік», «Даналық ойлар қазынасы», «Мақалды жалғастыр». Қорытындылау нәтижесінде «Ең білімді команда», «Ең ұйымшыл команда» және «Ең креативті команда» номинациялары бойынша марапаттау рәсімі өтті.

Б.Әшімов атындағы Петропавл машина жасау және көлік колледжінің волейболдан құрама командасын колледждер арасындағы Сұңқар облыстық спартакиадасында 2 орын алуымен құттықтаймыз!!!

Жалғыз тұратын зейнеткер Галина Ивановна Ивановаға көмек көрсетуді жалғастырып жатқан С-11 тобының еріктілеріне алғысымызды білдіреміз.

2026 жылғы 19 наурызда Б.Әшімов атындағы Петропавл машина жасау және көлік колледжінде Наурыз мейрамына арналған «Ұлыстың ұлы күні – Наурыз мейрамы!» атты мерекелік іс-шара өтті. Бұл мереке – жаңару мен көктемнің, халық бірлігінің символы. Мерекелік бағдарлама мазмұнды әрі алуан түрлі болды. Көрермендерге әсерлі музыкалық нөмірлер ұсынылып, қазақ әндері орындалып, ұлттық билер көрсетілді. Бұл кештің шынайы мерекелік көңіл күйін қалыптастырды. Ерекше қызығушылық тудырған көріністердің бірі – қазақ халқының көне салттарының бірі «Бесікке салу» рәсімі болды. Бұл дәстүр балаға деген қамқорлық пен ұрпақ сабақтастығын білдіреді. Іс-шараның ажырамас бөлігі ретінде ұлттық ойындар ұйымдастырылды. Студенттер гір көтеру және «Арқан тарту» сайыстарына белсенді қатысып, өздерінің күшін, ептілігін және командалық рухын көрсетті. Іс-шара жылы, достық атмосферада өтіп, қазақ халқының дәстүрлері мен мәдени құндылықтары жас ұрпаққа лайықты түрде жеткізіліп келе жатқанын тағы бір мәрте дәлелдеді.

2026 жылғы 20 наурызда Байкен Әшімов атындағы Петропавл машина жасау және көлік колледжінің ПО-11 тобының студенттері Наурыз мерекесіне арналған «Наурыз-думан» іс-шарасына қатысты. «Айранчики» және «Дикие баурсаки» атты екі команда дәстүрлер мен әдет-ғұрыптарды, ұлттық тағамдар мен ойындарды білу бойынша өзара сайысқа түсті. Студенттер Наурыз мерекесінің дәстүрлерін жақсы меңгергенін, орыс, қазақ және ағылшын тілдерін жоғары деңгейде білетінін, сондай-ақ кең дүниетанымға ие екендігін көрсетті. Баршаңызды келе жатқан мерекемен құттықтаймыз! Наурыз мейрамы құтты болсын! Happy Nauryz!