Жастарға әскери-патриоттық тәрбие берудің сапасын арттыру, сондай-ақ Ауған соғысы ардагерлерін құрметтеу мақсатында 2026 жылғы 13 ақпанда Облыстық «Жас батыр» әскери-патриоттық орталығының базасында Ауғанстаннан Кеңес әскерлерінің шығарылғанына 37 жыл толуына арналған облыстық салтанатты іс-шара өтті. Аталған іс-шара барысында 2026 жылғы 27–30 қаңтар аралығында өткен Солтүстік Қазақстан облысының ТжКБ ұйымдарының әскери-патриоттық клубтары арасында әскери-спорттық көпсайыстан облыстық спартакиадада жүлделі орындарға ие болған командалар марапатталды. Б. Әшімов атындағы Петропавл машина жасау және көлік колледжінің командасы ІІІ орын алып, тиісті дәрежедегі дипломдармен және медальдармен марапатталды.

2026 жылғы 12 ақпанда Байкен Әшімов атындағы Петропавл машина жасау және көлік колледжінің кітапханасында ұлы қазақ ақындары Ж.Жабаевтың туғанына 180 жыл және М.Мақатаевтың туғанына 95 жыл толуына арналған «Поэзия сөзінің даналығы» атты пқындар күні форматында «Мұра» әдеби клубының отырысы өтті. Қазақ әдебиеті – қайталанбас, халық жадында мәңгі сақталатын тұлғаларға бай рухани қазына. Әрқайсысы ғасырлар қойнауынан жеткен мәңгілік мұрасымен ерекшеленеді. Жамбыл Жабаев – поэзиялық суырыпсалмалық өнердің хас шебері, лириканың теңдессіз өкілі әрі өткір публицист. Бүгінде Жамбыл жырлары шынайылығымен адам жүрегін жылытуды жалғастырып келеді. Көрнекті қазақ ақыны Мұқағали Мақатаевтың үні халық санасына әлдеқашан сіңген. Ақынның сыншыл да шынайы тілі әдебиет әлемінде берік орын алды. Оның шығармалары адамгершілікке толы мазмұнымен және ерекше шабытты, жарқын рухымен миллиондаған оқырманның жүрегін баурайды. Көркем сөз шеберлері қалыптастырған әдеби дәстүр – келер ұрпаққа аманат етілген мәңгілік мұра. Іс-шара барысында «Жамбыл Жабаев – ақын, жырау және азамат», «Мұқағали Мақатаев» атты бейнефильмдер мен слайдтық презентациялар көрсетілді. Студенттер «Ақынды тап» викторинасы арқылы білімдерін бекітті. Оқу залында «Ұлы сөздің шеберлері» атты кітап көрмесі ұйымдастырылды

2026 жылғы 12 ақпанда Петропавл машина жасау және көлік колледжі базасында «Жылу техникалық жабдықтар және жылумен жабдықтау жүйелері» мамандығы апталығы аясында «Қала кәсіпорындарында еңбек ететін мамандық түлектері» тақырыбында дөңгелек үстел өтті. Іс-шараға колледждің әлеуметтік серіктестері — СЕВКАЗЭНЕРГО АҚ өкілдері, персоналмен жұмыс жөніндегі басқарма басшысы Н.В.Ким және персоналмен жұмыс жөніндегі басқарманың бас маманы Е.О.Кириятова қатысты. Кездесу барысында әр жылдардағы түлектер өздерінің кәсіби тәжірибелерімен бөлісіп, еңбек жолы мен қала кәсіпорындарындағы жұмыс ерекшеліктері туралы айтып берді. Дөңгелек үстел аясында жас мамандарды жұмысқа орналастыру мәселелері, кәсіби өсу перспективалары, жұмыс берушілердің түлектерге қоятын талаптары, сондай-ақ өндірістік тәжірибеден өту және әрі қарайғы ынтымақтастық мүмкіндіктері талқыланды. Іс-шара ашық диалог форматында өтті. Бұл студенттерге өздерін қызықтырған сұрақтарын қойып, кәсіпорын өкілдері мен түлектерден нақты тәжірибелік ұсыныстар алуға мүмкіндік берді. Осындай кездесулер оқу орны мен жұмыс берушілер арасындағы байланысты нығайтып, білім алушылардың кәсіби дамуға деген ынтасын арттыруға ықпал етеді.

2026 жылғы 12 ақпанда Петропавл қаласындағы Б.Әшімов атындағы машина жасау және көлік колледжінің студенттері арасында «Технологиялар адамдарды ақылдырақ ете ме?» тақырыбында дебат турнирі өтті. Іс-шараның мақсаты – қатысушылардың цифрлық технологияларға және олардың қазіргі заман адамының зияткерлік дамуына әсеріне саналы көзқарасын қалыптастыру. Талқылау барысында жасанды интеллекттің рөліне ерекше назар аударылды. Бір тарап оны адамның «Интеллектін күшейтетін құрал» ретінде қарастырса, екінші тарап оны дұрыс пайдаланбаған жағдайда сыни ойлау дағдыларының әлсіреуіне әкелуі мүмкін құрал деп бағалады. Дебат қорытындысы бойынша қатысушылар технологиялар өздігінен адамды не ақылды, не ақымақ етпейді деген тұжырымға келді. Оның әсері адамның оларды қалай қолданатынына байланысты. Саналы әрі сыни тұрғыдан пайдаланған жағдайда технологиялар дамудың қуатты құралына айналады. Алайда ақпаратты енжар қабылдау зияткерлік тәуелділікке алып келуі мүмкін.

2026 жылғы 11 ақпанда Б. Әшімов атындағы Петропавл машина жасау және көлік колледжінің жатақханасында жауынгер-интернационалистерге және Ауған соғысының тарихындағы қасіретті беттерге арналған «Ауғанстан-тірі жады» атты музыкалық кеш өтті. Іс-шараның мақсаты – студенттердің бойында патриоттық сезімді қалыптастыру, ел тарихына құрметпен қарауға тәрбиелеу және әскери борышын адал атқарған азаматтардың ерлігін есте сақтау болды. Кеш барысында соғыс жылдарындағы әндер шырқалып, жауынгерлердің ерлігі, қайсарлығы, қайғысы мен батырлығын бейнелейтін өлеңдер мен әдеби композициялар орындалды. Студенттер қойылымдарды үлкен ықыласпен, терең құрметпен тыңдап, шынайылық пен жанашырлыққа толы ерекше атмосфераны сезінді. Іс-шара тарихи жадты сақтаудың, Отан қорғаушылардың ерлігіне құрметпен қараудың маңыздылығын тағы бір мәрте еске салған тағылымды кеш болды.