2015 жылғы 22 қыркүйек күні Петропавл темір жол көлігі колледжінде Мемлекеттік қызмет істері және сыбайлас жемқорлыққа қарсы іс-қимыл агенттігінің СҚО бойынша департаментінің сыбайлас жемқорлыққа қарсы ағарту және әлеуметпен байланыс бөлімінің кеңесшісі Байжанов Рүстем Сейітұлының екінші курс студенттерімен кездесуі өтті. Мемлекеттік қызмет, білім, медицина жүйелеріндегі сыбайлас жемқорлықпен күрес мәселелері қарастырылды.

2015 жылғы 16 қыркүйек күні Петропавл темір жол көлігі колледжінде Қазақстан Президенті Н. Ә. Назарбаевтың «Бес институционалдық реформаны іске асыру бойынша жүз нақты қадам» Ұлт жоспарын түсіндіру бойынша кездесу өтті.

Іс-шараға: Петропавл қ. ІІБ есірткі бизнесімен күрес жөніндегі бөлімінің аға уәкілетті өкілі Д. Е. Смағұлов, СҚО ішкі саясат басқармасының «Жастар бастамасы орталығы» КММ директоры Н. Ш. Саркен, СҚО бойынша «СӨС ҚО» ЖДО менеджері И. М. Нагметова, «Даму» қорының маманы Р. С. Зейнуллин, СҚО дін істері басқармасының «Конфессияаралық қарым-қатынасты дамытуды талдау орталығы» КММ бөлім басшысы А. М. Жұмағалиева қатысты.

2015 жылғы 9 қыркүйек күні «Өрлеу» БАҰО» АҚ «СҚО бойынша ПҚ БАИ» филиалында облыстық «Жылдың үздік психологы» байқауы өтті.

«Жылдың үздік психологы» байқауы Қазақстанда екінші рет өткізіліп жатыр. Оның өзектілігі білім жүйесін жаңғыртумен байланысты. Қазылар алқасының айтуы бойынша, басқа педагогтар сияқты психологтар да уақыт ағымынан қалмаулары керек.

Облыстық байқауға 26 маман қатысты. Олар балабақшадағы, мектептегі және колледждегі үздік психолог атағы үшін бақ сынасты.

Байқау екі кезеңнен тұрды. Бірінші кезеңде байқауға қатысушылар әр білім ұйымында даму бағдарламасы барын ескере отырып, түзету және дамыту бағдарламаларының таныстырылымын өткізді. Екінші кезеңнің шарты бойынша психологтар таныстырылып жатқан бағдарламаның элементтерін көрсететін шеберлік сабағын назарға ұсынды.

Техникалық және кәсіптік білім ұйымдары арасында үздік психолог болып Петропавл темір жол көлігі колледжінің педагог-психологы Чернова Екатерина Лазаревна танылды.

2015 жылғы 09 қыркүйек күні Петропавл темір жол көлігі колледжінде студенттердің дін мәселесі бойынша республикалық ақпараттық-насихаттау тобының мүшелерімен кездесуі өтті.

Алматы қ. қалалық орталық мешітінің имамы Н. Иминов және облыстық «Қызылжар» мешітінің имамы К. Исаев бүлдіргіш діни ағымдар бойынша түсіндіру жұмыстарын жүргізді. Ислам дінінің пайда болу тарихы және оның негізгі қағидалары жайлы ақпарат кеңінен ұсынылды.

Тер төккен жеңіске жетуге,

Талпынған мәреден өтуге.

Спортшы елімнің мақтаны,

Сенімен мерейім бекуде!

2015 жылғы шілде айында Қостанай қ. Қостанай облыстық бокс федерациясының вице-президенттері Орал және Қорған Әйтеновтерді еске алуға арналған жастар арасындағы бокстан 16 халықаралық жарысы өтті. Оған Ресейден, Украинадан, Өзбекстаннан, Тәжікстаннан және Қазақстанның барлық аймақтарынан 126 спортшы қатысты.

91 кг. санатындағы ауыр салмақта үшінші орын алған Петропавл темір жол көлігі колледжінің студенті Николай Чебаков жарыста шеберлігімен көзге түсті.

Николай, саған өмірде және спортта жаңа жеңістер тілейміз!