2025 жылдың 9 қазанында Байкен Әшімов атындағы Петропавл машина жасау және көлік колледжінің Л-11топ студенттері Сәбит Мұқанов атындағы қазақ сазды-драма театрына «Қорғансыздың күні» атты спектакль көрінісіне барды. Спектакль драматург, қазақтың ұлы жазушысы Мұхтар Омарханұлы Әуезовтің «Қорғансыздың күні» әңгімесі желісімен қойылған. Қоюшы режиссер – Қазақстанның еңбек сіңірген қайраткері Әлімбек Оразбеков. «Қорғансыздың күні» көрерменнің көз алдына байырғы қазақ ауылындағы кедейлер өмірінің бір көрінісін тамыр-тереңінен қопарып әкеліп, бейшара, қорғансыз жандардың тұрмыс-тіршілігіндегі,зұлмат замандағы қорғансыз жанның хал-ахуалы мен адамдықтың сын сәттерін әсерлі бейнеленеді. Ғазиза бейнесі – ар мен азғындықтың мәңгілік тартысының көрінісі.

2025 жылдың 9 қазанында Бәйкен Әшімов атындағы Петропавл машина жасау және көлік колледжінің педагогтары мен Student Parliament Club белсенділері «Студенттік өмір – жарқын сәттер кезеңі» атты бірінші курс студенттерін қабылдау рәсімін ұйымдастырды. Іс-шара дәстүрлі түрде квест түрінде өтті. Негізгі мақсаттар: студенттердің белсенді, шығармашылық өмірлік ұстанымын қалыптастыру, бірінші курс студенттерін колледж дәстүрлерімен таныстыру. Бұл іс-шара студенттердің колледждегі жаңа, мазмұнды өмірге алғашқы қадамы болды. Топтар шынайы командалық рух пен тапқырлық танытып, барлық тапсырмаларды сәтті орындады. Іс-шараның соңында грамоталар табысталып, бірінші курс студенттерін студенттік қауымдастыққа салтанатты түрде қабылдау рәсімі өтті. Іс-шараны ұйымдастыру мен өткізуге атсалысқан барлық қатысушыларға – педагогтарға, студенттерге және, әрине, біздің бірінші курс студенттеріне алғыс білдіреміз! Сіздер бұл күнді шын мәнінде қуанышты әрі есте қаларлық еттіңіздер! Колледжге қош келдіңіздер! Алда сіздерді қызықты, мазмұнды және ұмытылмас жылдар күтеді! Оқуларыңыз табысты, студенттік өмірлеріңіз жарқын болсын, әр күн – армандарыңызға апарар бір қадам болғай!

Чубарова Е.Н. – педагог-ұйымдастырушы

2025 жылдың 9 қазанында Бәйкен Әшімов атындағы Петропавл машина жасау және көлік колледжінің кітапханасында «Бір ел – бір кітап» акциясы аясында «Мұра» әдеби клубының «Бір дәуірдің екі дауысы» атты әдеби жәрмеңке түріндегі отырысы өтті. Акцияның мақсаты – қазақстандық әдебиетті насихаттау, қоғамның кітап оқуға деген қызығушылығын арттыру, Қазақстанның әдеби мұрасын зерделеуге ықпал ету, жас ұрпақтың зияткерлік және рухани өсуін қолдау, ана тіліне деген құрмет пен құндылықты нығайту. Іс-шара барысында «Шығармашылық жолы: Такен Әлемқұлов пен Жұмекен Нәжімеденов» атты слайдтық презентация мен бейнефильм көрсетілді. Студенттер «Менің Қазақстаным», «Ана тілі туралы сөз» атты өлеңдерді оқып, «Қазақ әдебиетінің ұлы тұлғалары» атты викторинаға белсенді қатысты. Акцияға қосылыңыздар және уақыт өте өзектілігін жоғалтпай, жүрек тілімен оқырманға сыр шертетін бір дәуірдің екі дауысын – екі ұлы тұлғаның үнін қайта ашыңыздар.

«Өзіңе қамқор болу – болашаққа қамқор болу» тақырыбындағы және «Өзіңді түсіну – мықты болу» ұранымен өтетін Психикалық денсаулық онкүндігі аясында 2025 жылдың 8 қазан күні Б.Әшімов атындағы Петропавл машина жасау және көлік колледжінде «Қозғалыс энергиясы» атты спорттық сағат өткізілді. Бұл іс-шара денеге қамқорлық жасау – жанға қамқорлықтың ажырамас бөлігі екенінің жарқын дәлелі болды. Студенттер дене шынықтыру жаттығуларын орындап, физикалық сергектікті сақтау, денсаулықты нығайту және өмірлік қуатты арттыруға бағытталған белсенді әрекеттер жасады. Өйткені дәл қозғалыс, белсенді өмір салты мен дене шынықтыру арқылы біз тек денемізді ғана емес, психикалық саулығымызды да нығайтамыз, күйзеліспен күресуді үйренеміз және күнделікті өмірде үйлесімділікті сақтаймыз.

Психикалық денсаулық онкүндігі аясында 2025 жылдың 8 қазан күні Б.Әшімов атындағы Петропавл машина жасау және көлік колледжінде «Мен күйзеліспен күресуді білемін» атты психологиялық тренинг өткізілді. Іс-шараның мақсаты – студенттердің өз эмоционалдық күйін түсіну, күйзелістің табиғатын ұғыну және өз эмоцияларын тиімді басқара білу қабілетін дамыту болды. Тренинг барысында қатысушылар мимика мен қимыл арқылы өз көңіл-күйін білдіріп, пайдалы және зиянды күйзелістің айырмашылықтарын талқылады, сондай-ақ қиын жағдайларда ширығуды жеңудің жеке тәсілдері мен ресурстарымен бөлісті. Сенім мен ашықтыққа толы атмосфера әр қатысушыға күйзелісті өмірдің табиғи бөлігі ретінде қабылдап, онымен саналы түрде және өзіне зиян келтірмей күресуге мүмкіндік берді. Мұндай кездесулер эмоционалдық тұрақтылықты дамытуға, өзін-өзі қолдау дағдыларын қалыптастыруға және ішкі сенімділікті нығайтуға ықпал етеді. Өйткені өзін тану — ішкі күш пен үйлесімге бастайтын алғашқы қадам.

Беспятова Е.А. – педагог-психолог