2013 жылғы 2 қазан күні Петропавл темір жол көлігі колледжінің кітапханасында «Бір ел – бір кітап. Фариза Оңғарсынованы оқимыз» акциясының шеңберінде «Әйелдің монологы» - «Монолог женщины» әдеби кеші өткізілді.

Іс-шараны өткізуге Д-11 топ (сынып жетекшісі Е.Ф.Баймышева) және Д-21 топ (сынып жетекшісі В.А.Симонов) қатысты.

Баяндамаларда Фариза Оңғарсынова шығармаларының көп мәнділігі жайында сөз қозғалды. Оның шығармашылығы тақырыбының кеңдігімен ерекшеленеді. Ол махаббат және достық туралы, өз халқының тарихы туралы жазады. Оның кітаптары жоғары азаматтық және интернационализммен, адамгершілік құндылықтарды қорғаумен ерекшеленеді. Оның өлеңдерінде қазіргі әйел тағдыры туралы өткір және терең жалынды лирика, табиғаттың көркем көріністері және терең ойға бату әсем үйлесім табады.

Іс-шараны өткізу барысында қазақ және орыс тілдерінде поэзия жолдары оқылды, бейнелер жүйесіне, ойлар мен сезімдердің желісіне, соны түр мен мазмұнына талдау жасалды. Интерактивті тақтада музыкамен сүйемелденген слайдтар көрсетілді.

Кітапхананың оқу залында «Жыл кітабы - Фариза Оңғарсынованың «Дауа» жыр жинағы» - «Книга года – поэтический сборник Фаризы Унгарсыновой «Дауа» кітап көрмесі ресімделді.

2013 жылғы 20 қыркүйек күні Петропавл темір жол көлігі колледжінің кітапханасында Қазақстан халқының тілдері күніне арналған «Тілдерді білу – уақыт талабы» - «Знание языков диктует время» дөңгелек үстелі өткізілді.

Іс-шараны өткізуге В-11 топ (сынып жетекшісі – Т.А.Михеева) және Л-11 топ (сынып жетекшісі – В.Г.Смирнов) оқушылары қатысты.

Іс-шараға қатысушылар Н.Ә.Назарбаев Қазақстан халқына «Қазақстан - 2050» стратегиясы: қалыптасқан мемлекеттің жаңа саяси бағыты» Жолдауында алға қойған жаңа мақсаттар мен міндеттерді талқылады, онда тілдерді дамыту жөніндегі мемлекеттік саясатқа ерекше орын берілген. Тілдерді білу қазіргі, әсіресе жас, келешегінен зор үміт күттіретін, еңбек нарығында талап етілген адамдар үшін көп тілді қоғамда көп мүмкіндіктер береді.

Тілдердің үш тұғырлығы туралы ой бөлісе отырып, балалар мемлекеттік тілдің маңыздылығын атап өтіп, тілдің саяси-құқықтық мәртебесі Конституцияда және «Қазақстан Республикасындағы тіл туралы» Заңда бекітілгеніне тоқталды. Балалар жүргізушілердің сұрақтарына сауатты жауап берді және мемлекеттік тілді іске асыруды дамыту саласындағы құқықтық аспектілер бойынша жақсы білімдерін көрсетті.

Іс-шараны өткізу барысында қазақ, орыс және украин тілдерінде поэзия жолдары оқылып, бір-бірімен біте қайнасып, бірін бірі толықтырып отырды. Интерактивті тақтада музыкамен сүйемелденген слайдтар көрсетілді.

27.09.1913 ж Қазақстан халқы фестивалі аясында университеттің акт залында «Ел тірегі-тіл» жастар акциясы өткізілді. Акцияға директордың тілдерді дамыту жөніндегі орынбасары Қазиева И.Т. жетекшілігімен Э-21 топ оқушылары қатысты.

Жыл сайын колледжде Қазақстан халқы тілдерінің күніне орай Тілдер апталығы өткізіледі. Алдын ала құрылған жоспар бойынша қызықты және әр алуан іс-шаралар ұйымдастырылады.

Осы жолы қазақ тілі оқытушылары «Бақытты сәт» (Д.Ж.Ақышова), «Сөз мергені» (А.Б.Сүлейменова) байқау сабақтарын, «Тапқыр достар» зияткерлік ойынын (Ж.Ө.Әділбаева) дайындады және өткізді. «Тіл мәртебесі – ел мәртебесі» әдеби-сазды кеші акт залында өткізілді (Ж.С.Мусина).

Тілдер апталығы ағылшын тілі оқытушыларымен (Р.С.Жамұлдинова, Л.В.Девальд) бірлесе, үш тілде өткізілген «Қазақстан – ортақ үйіміз» сынып сағатымен қорытындыланды.

2013 жылғы 1 қыркүйек күні Қалалық мәдениет үйінде Білім күніне арналған салтанатты жиналыс өтті. Концерттік бағдарламаға танымал орындаушы Юрий Зайберт, «Арабеск» шоу – балеті және «Шестое чувство» вокалдық тобы қатысты.