2026 жылғы 16 қаңтарда Байкен Әшімов атындағы Петропавл машина жасау және көлік колледжінің студенттері «Закладчики. Ана…» деректі фильмінің премьерасына қатысты. Сәбит Мұқанов атындағы Қазақ музыкалық-драма театрының базасында өткен іс-шараның мақсаты – құқық бұзушылықтардың алдын алу және психоактивті заттарды қолданудың профилактикасы

2026 жылғы 13 және 15 қаңтарда "Байкен Әшімов атындағы Петропавл машина жасау және көлік колледжі" КМҚК педагогтары Қожаберген жырау атындағы №6 ОМ және № 23 ОМ ата-аналар жиналыстарына кәсіби бағдар бере отырып қатысты. Ата-аналар колледжге түсу туралы сұрақтарға жауап алды, колледжде ұсынылған мамандықтармен танысты.

2026 жылғы 13 қаңтарда Э-21 тобында " Сыбайлас жемқорлыққа қарсы бірге!» кураторлық сағаты өтті. Негізгі мақсат-сыбайлас жемқорлыққа қарсы мәдениетті қалыптастыру. Кураторлық сағат барысында студенттерге тапсырмалар ұсынылды: әдеби шығармаларда қандай заңсыз сыбайлас жемқорлық әрекеттері сипатталғанын анықтау, мақал-мәтелдердің мағынасын түсіндіру, мақал-мәтелдердің басталуы мен аяқталуын салыстыру, сыбайлас жемқорлыққа қарсы мәселелер бойынша ситуациялық міндеттер, құқықтық мәдениетке байланысты терминнің анықтамасы. И.А.Сергеева - тарих және құқық оқытушысы

2026 жылғы 12 қаңтарда Байкен Әшімов атындағы Петропавл машина жасау және көлік колледжінің кітапханасы «Оқу колледжі» тұжырымдамасы аясында қазақтың халық ақыны, композиторы Дәулеткерейдің туғанына 205 жыл толуына арналған «Дала еркіндігінің жыршысы» атты буклетті назарларыңызға ұсынады. Мақсаты: ұлы қазақ композиторының өмірі мен шығармашылығымен таныстыру, өткеннің тарихи мұрасына қызығушылықты арттыру, қазақ халқының ұлы тұлғаларының өмір жолы үлгісінде адамгершілік пен руханиятқа тәрбиелеу. Дәулеткерейдің шығармалары өмір философиясын, заман лирикасын, халық тарихын бейнелейді. Әсіресе оның күйлерінде табиғат көріністері мен оның әсемдігі айқын суреттеледі. Ол Қазақстандағы халықтық аспаптық музыканың одан әрі дамуына ықпал еткен мол музыкалық мұра қалдырды.

2026 жылғы 5 қаңтарда Байкен Әшімов атындағы Петропавл машина жасау және көлік колледжінде педагогикалық ұжымға арналған эмоционалдық күйзелістің алдын алуға бағытталған психологиялық тренинг өткізілді. Іс-шараның негізгі мақсаты – оқытушылардың ішкі ресурсын нығайту және өз сезімдері мен күй-жайына мұқият қарау дағдысын қалыптастыру болды. Кездесу барысында қатысушылар өздерінің эмоционалдық әсерлерімен бөлісіп, қамқорлық пен қалпына келтіруді қажет ететін негізгі тұстарды айқындады, сондай-ақ жеке және кәсіби дамудың маңызды бағыттарын белгіледі. Медитативтік тәжірибе кезінде педагогтар өздерінің «ішкі баласымен» — жылулыққа, қолдауға, қуаныш пен өмірлік энергияға деген қажеттілікті еске салатын тұлғалық бөлігімен жүздесті. Бұл әрбір қатысушыға өз-өзімен байланыс орнатып, ішкі тірек сезінуге және демалуға, эмоционалдық тұрғыдан қалпына келуге өзіне рұқсат беруге мүмкіндік берді. Мұндай кездесулер стресс деңгейін төмендетіп қана қоймай, кәсіби ынтаны нығайтып, ұжымда сенім, өзара түсіністік пен қолдау атмосферасын қалыптастырады. «Өзіңе қамқорлық жасау арқылы біз өзгелерге қамқор болу қабілетімізді сақтаймыз»