2025 жылғы 6 наурызда Байкен Әшімов атындағы Петропавл машина жасау және көлік колледжінің 1 курс студенттері Ғабит Мүсірепов атындағы Солтүстік Қазақстан облыстық балалар-жасөспірімдер кітапханасында өткен "Зорлық-зомбылықсыз және қатыгездіксіз өмір" диалогтық кездесуіне қатысты. Диалог алаңының жұмысына СҚО ПД киберқылмысқа қарсы іс - қимыл басқармасының аға жедел уәкілі М.И.Балацкая, СҚО ПД жергілікті полиция қызметі басқармасының ерекше тапсырмалар жөніндегі аға инспекторы А.С.Абжанова, СҚО ДІБ КҚТжДО сарапшы - талдаушысы Е.О.Березина, СҚО ДІБ КҚТжДО сарапшы-талдаушысы А.А.Галиаскаров қатысты. Киберқылмыс мәселелері және олардың алдын алу әдістері, тұрмыстық зорлық-зомбылық пен діни экстремизмнің алдын алу талқыланды.

Подоляник А.А. – жастар ісі жөніндегі инспектор

Мереке қарсаңында Б.Әшімов атындағы Петропавл машина жасау және көлік колледжінде 8 наурыз - Халықаралық әйелдер күніне арналған Ақан сері атындағы облыстық филармонияның концерті өтті.

Жұмысшы мамандықтар жылы аясында 2025 жылғы 3-5 наурыз аралығында Байкен Әшімов атындағы Петропавл машина жасау және көлік колледжінің оқытушысы Темиртас Арман Тлегенулы Шымкент қаласының бес жалпы білім беретін мектебіне кәсіби бағдар берумен барды. Кездесу барысында оқушылар колледжге түсу туралы сұрақтарға жауап алды, "Дәнекерлеу ісі" мамандығымен мемлекеттік тілде танысты. Қамту 580 адамды құрады.

2025 жылдың 5 наурызында Сәбит Мұқанов атындағы облыстық әмбебап ғылыми кітапханада Халықаралық әйелдер күніне арналған "Әлемнің барлық әйелдері" атты мерекелік концерт өтті. Іс-шараға вокалдық студиялардың, би ұжымдарының тәрбиеленушілері, мектеп оқушылары мен колледж студенттері қатысты. Б.Әшімов атындағы Петропавл машина жасау және көлік колледжінің ПО-11 тобының студенті Виктория Куприенко өзінің "Ана көктемі" атты өлеңін оқыды.

Чубарова Е.Н. – педагог-ұйымдастырушы

2025 жылдың 5 наурызында Байкен Әшімов атындағы Петропавл машина жасау және көлік колледжінде 1 курс студенттерінің АИТВ-инфекциясының алдын алу жөніндегі облыстық орталығының маманы О.С.Симухинамен АИТВ – инфекциясы мен ЖИТС-тің алдын алу мәселесіне арналған кездесуі ұйымдастырылды. Оксана Сергеевна балаларға АИТВ жұқтыру қаупімен байланысты жағдайларда қауіпсіз және жауапты мінез-құлық туралы хабардар етті.

"Петропавл қаласының Жастар ресурстық орталығы" КММ басшысы ДаалдыАбдин студенттерді жастарға арналған өзекті бағдарламалар мен жобалармен таныстырды: кәмелетке толмағандарды жұмысқа орналастыру, "Жасыл ел" бағдарламасы, еріктілер қозғалысы. Балалар "Бірінші жұмыс орны", "Ұрпақтар келісімшарты" сияқты жұмысқа орналастыру жобалары туралы білді, колледжді бітіргеннен кейін әлеуетті қатысушы бола алатын "Қызылжар жастары" ипотекалық бағдарламасы туралы ақпарат алды.

Мамандармен ақпараттық кездесулер студенттердің құқықтық сауаттылығы мен медиа мәдениетін дамытуға ықпал ететін білім беру процесінің маңызды элементі болып табылады.