2026 жылғы 23 сәуірде Оқушылар сарайы базасында «PROFuture Forum» облыстық кәсіби бағдар беру форумы өтті. Форумға қала мен облыстың барлық колледждері, М.Қозыбаев атындағы Солтүстік Қазақстан университеті, мемлекеттік құрылымдар мен өңір кәсіпорындары қатысты. Іс-шараға қала мектептерінің және облыс мектептерінің басым бөлігінен 500-ден астам оқушы қатысты. Іс-шараның мақсаты — оқушыларға кәсіби өзін-өзі анықтауға көмектесу және сұранысқа ие мамандықтармен, оның ішінде техникалық және инженерлік бағыттармен таныстыру. Форум аясында тақырыптық алаңдар жұмыс істеді, шеберлік сабақтары, кәсіби дағдыларды көрсету, интерактивті аймақтар және кәсіби бағдар беру кездесулері ұйымдастырылды. Форумға Б.Әшімов атындағы Петропавл машина жасау және көлік колледжі белсенді қатысты. Колледж СББ станоктарында орындалған студенттердің жұмыстарынан көрме ұсынды, мамандықтар туралы бейнеролик көрсетті, сондай-ақ кәсіби бағдарламалар-симуляторлардың көрсетілімін ұйымдастырды. Колледж мамандықтарына қызығушылық танытқан оқушылар симуляторларда өз мүмкіндіктерін сынап көрді. Студенттер мен оқытушылар кеңес беріп, кәсіби бағдар беру әңгімелерін жүргізді. Форум жоғары деңгейде өтіп, білім беру ұйымдары мен болашақ талапкерлер арасындағы өзара байланыс үшін маңызды алаңға айналды.

2026 жылғы 22 сәуірде И.Шухов атындағы Орталық қалалық кітапхана қызметкерлері Сания Латиеновна Досщанова мен Лязат Багитовна Бримова Халықаралық радиациялық апаттар мен қасіреттер құрбандарын еске алу күні қарсаңында Байкен Әшімов атындағы Петропавл машина жасау және көлік колледжінің студенттері үшін «Чернобыль апатына – 40 жыл» атты еске алу сағатын өткізді. Іс-шараға шақырылған қонақтар: запастағы подполковник, Чернобыль АЭС-ғы апат зардаптарын жоюға қатысушы Юрий Алексеевич Глумов және Чернобыль АЭС станциясындағы апат зардаптарын жоюға қатысушы Сергей Васильевич Андрющенко қатысты.

2026 жылғы 22 сәуір күні Байкен Әшімов атындағы Петропавл машина жасау және көлік колледжінің футбол алаңында жатақханада тұратын 1 және 2 курс студенттері арасында достық матч өтті. Мақсаты: салауатты өмір салтына қызығушылықты арттыру, студенттер арасындағы достық қарым-қатынасты нығайту және командалық ойын дағдыларын қалыптастыру. Ойын жылы, достық атмосферада өтті. Әр команда ұйымшылдық, өзара көмек және жеңіске деген ұмтылысын көрсетті. Студенттер жақсы спорттық дайындықтарын, командалық рухтарын және қарсыластарға деген құрметтерін танытты. Кездесу қорытындысы бойынша достық жеңіске жетті, ал қатысушылар сергектік пен жағымды эмоцияларға бөленді. Матчты ұйымдастырғаны үшін С.М.Абилевке алғыс білдіреміз.

2026 жылғы 22 сәуірде Байкен Әшімов атындағы Петропавл машина жасау және көлік колледжінің студенттері «Ұлттық кітап күні» мерекесі аясында Шухов атындағы Орталық қалалық кітапханада өткен «Бүкіл әлем болып оқимыз» атты іс-шараға қатысты. Іс-шараның тақырыбы «Кітап — достықтың елшісі» болды. «Бүкіл әлем болып оқимыз» іс-шарасы әдебиет сүйер қауымды кітаптың мәдениеттер арасындағы достық байланыстарды қалыптастырудағы маңызын талқылау үшін біріктірді. Қатысушылар Абай Құнанбаев, Мұқағали Мақатаев, Ілияс Есенберлин және Мағжан Жұмабаев сынды көрнекті қазақ жазушыларының шығармашылығымен танысып, олардың туындыларының аудармалар арқылы Қазақстаннан тыс жерлерге қалай таралғанын талқылады.

2026 жылғы 22 сәуірде Б.Әшімов атындағы Петропавл машина жасау және көлік колледжінің «Бағдарламалық қамтамасыз ету» мамандығы бойынша білім алушы студенттері XI өңірлік WorldSkills Kazakhstan чемпионатына қатысып, «Графикалық дизайн» және «Web-технологиялар» сияқты сұранысқа ие құзыреттер бойынша кәсіби дағдыларын, креативтілігін және жоғары дайындық деңгейін көрсетті. Чемпионатқа қатысу студенттеріміз үшін кәсіби дамудың маңызды кезеңі болып, нақты байқау тапсырмалары жағдайында өздерін көрсетуге, заманауи цифрлық құралдармен жұмыс істеу қабілеттерін танытуға және стандарттан тыс шешімдер табуға мүмкіндік берді. «Web-технологиялар» бағыты бойынша ПО-21 тобының студенті Никита Нетесов жүлделі I орынды иеленіп, заманауи веб-сайттарды әзірлеу, бағдарламалау, адаптивті верстка жасау және ыңғайлы пайдаланушы интерфейстерін құру дағдыларын көрсетті. «Графикалық дизайн» құзыреті бойынша үшінші курс студенттері Даниил Барабаш пен Артем Степанкин II және III орындарды иеленіп, жарқын әрі бірегей жобаларын ұсынып, визуалды коммуникация, композиция және фирмалық стиль құралдары мен технологияларын меңгергендерін дәлелдеді. Біз студенттерімізді, олардың білімге деген ұмтылысын, табандылығын және заманауи технологиялар саласында дамуға деген құлшынысын мақтан тұтамыз. Чемпионаттың барлық кезеңдерінде қатысушыларға кәсіби дайындық пен қолдау көрсеткен тәлімгерлер С.В. Мироняк, В.В. Кревень, П.Г. Виркоға алғыс білдіреміз. Алдағы уақытта да табыстар, жаңа жеңістер мен жарқын жетістіктер тілейміз!