2026 жылғы 21 сәуірде Байкен Әшімов атындағы Петропавл машина жасау және көлік колледжінің кітапханасында «Ұлттық кітап күні» мерекесі аясында «Кітап. Тарих. Шежіре» тақырыбы бойынша «Кітаппен ең үздік фотосюжет» атты фотобайқау ұйымдастырылды. Фотокөрме фотография мен көркем әдебиетті сүйетіндерді біріктіріп, кітап оқуды насихаттауға, студенттердің шығармашылық белсенділігін дамытуға және кітапқа білім мен мәдени мұраның қайнар көзі ретінде қызығушылықтарын қалыптастыруға ықпал етті.

2026 жылғы 21 сәуірде Байкен Әшіов атындағы Петропавл машина жасау және көлік колледжінде «Жас шеберлердің дағдылары – 2026» чемпионаты өтті. Чемпионат 6 бағыт бойынша ұйымдастырылды: «Электромонтаж», «Машина жасау технологиясы», «Жылутехникалық жабдықтар және жылумен қамтамасыз ету жүйелері», «Теміржол вагондары мен рефрижераторлық жылжымалы құрамды пайдалану, жөндеу және техникалық қызмет көрсету», «Бағдарламалық қамтамасыз ету», «Есеп және аудит». Чемпионатқа Петропавл қаласының 10 мектебі қатысты. Чемпионаттың негізгі мақсаты – WorldSkills қозғалысының құралдары негізінде оқушыларға кәсіптік бағдар беру үшін жаңа мүмкіндіктер жасау және заманауи әрі болашақ кәсіби құзыреттерді меңгеруге жағдай қалыптастыру.

2026 жылғы 17 сәуірде Байкен Әшімов атындағы Петропавл машина жасау және көлік колледжінің педагогтері Ғабит Мүсірепов атындағы ауданның Новосельск орта мектебіне, Новоишим №1 және №2 орта мектептеріне кәсіптік бағдар беру мақсатында барды. Іс-шараның мақсаты – жұмысшы мамандықтарын насихаттау. Оқушылар колледжге түсу шарттары туралы сұрақтарына жауап алып, колледжде ұсынылатын мамандықтармен танысты.

2026 жылғы 9 сәуірде "Заң және тәртіп" айлығы кезеңінде Байкен Әшімов атындағы Петропавл машина жасау және көлік колледжінің студенттері үшін "АДАЛ АЗАМАТ" кешенді тәрбие бағдарламасын іске асыру шеңберінде құқық бұзушылықтың алдын алу бойынша дәрісхана ұйымдастырылды. Спикер ретінде құқық бұзушылықтың алдын алу жөніндегі аға инспектор полиция аға лейтенанты Жанар Сериковна Токтагулова сөз сөйледі. Іс – шара барысында "Темір жол-қауіптілігі жоғары аймақ", "Есірткі заттарын өткізу" мәселелері қамтылды.

2026 жылдың 7-8 сәуір аралығында жоғары Солтүстік Қазақстан кәсіптік-педагогикалық колледжінің базасында "Электромонтаж жұмыстары" құзыреттілігі бойынша ТжКБ педагогтары арасында WorldSkills стандарттары бойынша кәсіби шеберлік байқауы өтті. Осы құзырет бойынша қатысушылар "Өнеркәсіптік және азаматтық салалардағы монтаждау" модулі бойынша электр схемаларын электр монтаждауда бақ сынасты. Шеберлікті бағалаудың негізгі критерийлері қауіпсіздік, пайдалануға беру және схемалардың жұмысы, орнату жылдамдығы болды. Байқау қорытындысы бойынша Б.Әшімов атындағы Петропавл машина жасау және көлік колледжінің өндірістік оқыту шеберлері дипломдармен марапатталды: Щукин Владимир Леонидович - II дәрежелі диплом, Лосеев Игорь Геннадьевич-III дәрежелі диплом. Құттықтаймыз!