09.04.2019
«Еркін Пікір» диалог алаңы
09 сәуір 2019 жылы Ғ. Мүсірепов атындағы облыстық балалар мен жасөспірімдер кітапханасында "Еркін Пікір" диалогтық алаңы аясында Бәйкен Әшімов атындағы Петропавл теміржол көлігі колледжінің студенттері үшін «Жастар – үлкен мүмкіндіктер ұрпағы» тақырыбында кездесу өтті. Кездесуге «Солтүстік Қазақстан облысы әкімдігінің жастар саясаты мәселелері жөніндегі басқармасы» КММ өкілдері: жұмыспен қамту орталығының маманы Ж. М. Нұрқыбаева, «Жас Отан» ЖҚ СҚОФ төрағасы А. А. Қайроллаев қатысты.
Кездесуде «Нұр Отан» партиясы бағдарламасының «Жастар – үлкен мүмкіндіктер ұрпағы» атты тоғызыншы мақсатының сұрақтары талқыланды: оның аясында жастарды әлеуметтік қолдау, жастардың әлеуетін дамыту, жастар арасында патриоттық деңгейін арттыру, мемлекеттік жастар саясатының тиімділігі мен нәтижелілігін арттыру қарастырылған.
04.04.2019
«Біздің таңдауымыз – денсаулық пен өмір» атты салауатты өмір салты сағаты
2019 жылдың 4 сәуірінде Бәйкен Әшімов атындағы Петропавл теміржол көлігі колледжінің кітапханасында кітапханашы Т.А.Таранмен «Біздің таңдауымыз – денсаулық пен өмір» атты салауатты өмір салты сағаты өткізілді.
Іс-шараны өткізуге В-11және Л-12 топ студенттері қатысты. Студенттерге салауатты өмір салты-бұл, тиісті тамақтану, дене дайындығы, моральдық көңіл-күй және зиянды әдеттерден бас тарту арқылы денсаулықты жақсартуға және сақтауға бағытталған адамның өмір сүру концепциясы екендігі айтылды.
Іс-шара барысында слайдтар, бейнефильмдер көрсетілді: «Қазақстанда салауатты өмір салтын дамыту», «Спорт және салауатты өмір салты-сенің стилің», « Здоровый образ жизни» ән бейнетаспасы.
Оқу залында «Денсаулық – өмірдің қуанышы» атты кітап көрмесі ұйымдастырылды.
02.04.2019
Хабарландыру
2018 жылғы Бәйкен Әшімов атындағы Петропавл теміржол көлігі колледжі КМҚК қаржылық қызметінің негізгі көрсеткіштерімен сіз ОСЫ ЖЕРДЕ таныса аласыз.
28.03.2019
Терроризмге қарсы сананы тәрбиелеу бойынша профилактикалық іс-шаралар күні
2019 жылдың 28 наурызда терроризмге қарсы сананы тәрбиелеу бойынша алдын алу іс-шараларының бірыңғай күні аясында Бәйкен Әшімов атындағы Петропавл теміржол көлігі колледжінде І курс студенттері үшін дәрістер өткізілді. «Терроризмге және экстремизмге қарсы күрес» тақырыбы бойынша Петропавл ст. ЖПБ ювеналдық полиция тобының аға инспекторы полиция майоры У. Б. Жоракулова дәріс өткізді.
26.03.2019
Жастар құрылыс отрядтары
2019 жылдың наурыз айында Солтүстік Қазақстан облысы әкімдігінің жастар саясаты мәселелері басқармасы мен Солтүстік Қазақстан облысының құрылысшылар қауымдастығы екі жақты меморандумға қол қойды.
Меморандумның мақсаты Жастар жылы аясында бірлескен және келісілген іс-қимылдарды жүзеге асыру және Қазақстан Республикасы Президентінің студент, жұмыссыз, кәсіби емес жастарды Қазақстан Республикасының еңбек заңнамасына сәйкес әртүрлі меншік нысандарындағы объектілерді салуға жұмысқа орналастыру бойынша тапсырмаларын орындау.
Бүгінгі күні Мемлекет басшысының тапсырмасын орындау үшін әзірленген мемлекеттік бағдарламалардың арқасында облыста тұрғын үй құрылысы белсенді дамып келеді.
2019 жылы құрылыс жұмыстарының көлемі 4% - ға артады. 235,0 мың шаршы метрге дейін тұрғын үйді іске қосу немесе 2240 пәтер салу жоспарлануда. 2400 орындық 3 мектептің құрылысы жүргізілуде, 500 орындық театр құрылысы аяқталады, облыстық аурухана құрылысын бастау жоспарлануда, Мемлекет басшысы ұсынған 3 бастама аясында университет және колледж студенттеріне арналған жатақханалар құрылысы басталады. Тұрғын үй құрылысында 1500 пәтерлік, оның ішінде жеке құрылыс салушылармен жобаларды іске асыру жүргізілуде. Қала объектілерінен басқа, бірқатар объектілер бар және облыс аудандарында, мысалы, қоныс аударушыларға арналған 600 бір пәтерлі тұрғын үй салу жоспарлануда. Бұл объектілерді салу техникалық жағынан күрделі емес, сондықтан жастар құрылыс отрядтарының күшімен салуға болады.
Сондай-ақ тұрғын үй құрылысы шағын аудандарында инженерлік-коммуникациялық инфрақұрылымды дамыту жүргізілуде.
Қойылған міндеттерді табысты іске асыру үшін әртүрлі мамандықтағы 2000 мыңға жуық уақытша жұмыс орындарын тарту жоспарланған.
Осыған байланысты жастар ресурстық орталықтары базасында жастар құрылыс отрядтары құрылады. Аталған жасақтарға 16 жастан 29 жасқа дейінгі жастар маусымдық және тұрақты жұмысқа орналасатын болады.
Сонымен қатар, «Жастар тәжірибесі» бағдарламасы бойынша құрылыс мамандықтарын бітірушілерді 6 айға жұмыспен қамту орталығы арқылы жұмысқа орналастыру мүмкіндігі бар.
Жұмысқа орналастыру бойынша толық ақпарат алу үшін:
– «Жастар тәжірибесі» бағдарламасы бойынша бітірушілерге халықты жұмыспен қамту орталығына (53-11-48, 39-09-66);
– 16 және одан жоғары жастағы жастарға жастар ресурстық орталығына (33-73-79) хабарласу қажет.
