2017 жылғы 27 қазанда Қазақстан Президенті Нұрсұлтан Назарбаев «Қазақ тілі әліпбиін кириллицадан латын графикасына көшіру туралы» өкімге қол қойып, латын қарпіндегі қазақ әліпбиінің жобасын бекітті. Өркениетті әлем латын графикасын бұрыннан қолданып келеді. Латын әліпбиі әлемнің 100-ден астам елінде қолданылады. Латын тілінің кең таралуы оның лексикалық байлығына байланысты, ол адам өмірінің барлық салаларын және грамматикалық үйлесімділікті, сөз тіркестерінің қысқалығы мен дәлдігін көрсете алады.

Ұлт Көшбасшысының пікірінше, латын әліпбиіне көшудің терең тарихи логикасы бар. Бұл қазіргі заманғы технологиялық ортаның ерекшеліктеріне, қазіргі әлемдегі коммуникациялардың ерекшеліктері және ХХІ ғасырдағы ғылыми және білім беру процесінің ерекшеліктеріне байланысты. Ақпараттық технологиялар ғасырында біз уақытпен бірге қадам басуымыз керек. Сондықтан латын әліпбиіне көшу – уақыт талабы екенін бәріміз түсінеміз.

2020 жылдың 27 қарашасында Байкен Әшімов атындағы Петропавл теміржол көлігі колледжінде қазақ тілі мен әдебиеті пәнінің оқытушысы Б.Б. Илюбаева «Латын әліпби-қазақ тілінің болашағы» атты онлайн – эссе байқауын өткізді. Байқауға I және II курс студенттері қатысты.

Байқаудың мақсаты: қазақ халқының тарихи – мәдени мұрасын сақтау, жастар арасында жазбаша мұраны насихаттау.

Еліміздің Тұңғыш Президенті Күнін мерекелеу қарсаңында Б.Әшімов атындағы Петропавл темір жол көлігі колледжінде «Тәуелсіздіктің жеті қыры» деректі фильмдер циклін талқылау бойынша кураторлық сағаттары өткізілді.

Жеті фильмнің әрқайсысы белгілі бір тақырыпқа – экономика, интеграциялық процестер, ұлтаралық келісім, антиядролық бастамалар, жаңа Астана, транзиттік әлеует, отандастарымыздың Отанына оралуы тақырыбына арналған.

Циклдің мазмұны: «Білел бір тағдыр», «Сын сағат», «Парасат шешім», «Ұйымдасқан ұтады», «Болашаққа бастар жол», «Жаңғыру жолы», «Елдіктің бастауы».

Студенттер саны 468 адамды құрады.

2020 жылдың 26 қарашасында Байкен Әшімов атындағы Петропавл темір жол көлігі колледжінің кітапханашысы Т. А. Таран Қазақстан Республикасының Тұңғыш Президенті күніне орай қашықтық форматта «Тарих беттерінен» тақырыптық сағатын өткізді. Іс-шараны өткізуге I курс студенттері қатысты.

Іс-шараға қатысушыларға Қазақстан Республикасының Тұңғыш Президенті Нұрсұлтан Назарбаевтың нақты саясатының арқасында біздің еліміз жаңа Астанасы және дамыған нарықтық экономикасы, ұлтаралық келісімнің үлгісі бар, әлемнің дамыған 30 елінің қатарына кіру бағытын сенімді қабылдаған тәуелсіз мемлекетке айналғаны айтылды.

Қазіргі Қазақстан - біздің мақтанышымыз, және бүгінгі қазақстандық жастардың міндеті - лайықты адамдар болу, жас мемлекет құруды жалғастыруға дайын болу және, әрине, өз елінің нағыз патриоттары болу.

Іс – шараны өткізу барысында: Н. Ә. Назарбаевтың өмір жолы туралы слайдтық презентациясы, «Н. Ә.Назарбаев - Дәуір адамы» бейнефильмі, Н. Ә. Назарбаевтың «Менің қалам» өлеңіне жазылған әнінің бейнеклипі көрсетілді.

2020 жылдың 25 қарашасында Қазақ тілі мен әдебиеті пәнінің оқытушысы А. К. Қабденова «Латын әліпбиіне көшу – заман талабы» атты пікірталас өткізді. Іс-шараны өткізуге ПО-31 тобының студенттері қатысты.

Латын графикасына көшу – 2017 жылы Тұңғыш Президент Нұрсұлтан Назарбаев Қазақстан халқына ұсынған бағдарламалық мақаланың маңызды бөлігі болып табылады. Латын графикасы қазіргі кезеңде көптеген елдерде қолданылады. Қазіргі уақытта қазақ тілін жаңғырту жұмыстары жүргізілуде.

Іс-шарада Қазақ жазуын латын графикасына көшірудің негізгі себептері мен мүмкіншілігі қарастырылды. Студенттерге қазақ жазуының ежелгі дәуірден бүгінгі күнге дейінгі қалыптасу тарихы туралы «Латын әліпбиі: тарихи тағдыр белгілері» деректі фильмінің үзінділері, сондай-ақ қазақ әліпбиін латын графикасына көшірудің болашағы мен мәселелері туралы отандық және шетелдік сарапшылардың пікірлері көрсетілді.

Қазақстан Республикасының Тұңғыш Президенті Нұрсұлтан Назарбаев осыдан екі жыл бұрын жарияланған «Болашаққа бағдар: рухани жаңғыру» атты бағдарламалық мақаласында қазақ тілінің латын әліпбиіне көшу қажеттігін атап өтті.

«Бірінші кезекте қазақ тілінің латын әліпбиіне біртіндеп көшуін бастау керек. Біз бұл үдеріске тәуелсіздік алғаннан бері дайындалдық», – деп жазады Ұлт Көшбасшысы.

2020 жылдың 17 қарашасында «Қызылжар» қосымша білім беру орталығының директоры Жанат Мұхамеджан Байкен Әшімов атындағы Петропавл теміржол көлігі колледжінің қазақ тілі мен әдебиеті оқытушыларының ұйымдастыруымен «Латын графикасына көшу-болашақтың жарқын бағдары» атты онлайн – конференция өткізді.

Конференцияда графика мен әліпби туралы мәлімет, қазақ жазуының латын әліпбиіне ауысу мәнінің қарастырылуы, күн тәртібінде қамтылуы, қазақ жазуының тарихы, латын әліпбиін таңдауымыздың себебі, латын графикасын қолдану статистикасы, латын графикасын қолданатын елдер, әлемдегі қазіргі латын әліпбиі туралы пікірлер, жаңа емледегі жаңалықтар туралы мәселелер талқыланды. Конференция тыңдаушысы болған колледж студенттері белсенді қатысып, ұсынылған мәліметтерге үлкен қызығушылық танытты.