2019 жылдың 06.11 – 07.11.аралығында «Кәсіпкерлік қызмет негіздері» факультативтік сабақтар өткізу шеңберінде Бәйкен Әшімов атындағы Петропавл теміржол көлігі колледжінің Л-32 тобында «Бизнестің жол картасы 2020» бағдарламасы бойынша, СҚО Кәсіпкерлер палатасы ұйымдастырған «Бизнес - кеңесші» атты қысқа мерзімді екі күндік курстардан өтті.

Бизнес-тренер Е. Коняхина студенттерге өз бизнесін қалай ашу керектігін, бизнесті жүргізудің заңды негіздері туралы ақпарат берді,маркетинг негіздерін, адам ресурстарын басқару, қаржылық құрамдауыштарды, персоналды басқару негіздерін үйретті.

Студенттер кәсіпкерлік негіздері бойынша теориялық білімдерін өзектендірді, бизнес-жоспар құруды және ақпараттық ресурстарды пайдалануды үйренді, салық режимдерінің қыр-сырын біліп, бизнесті мемлекеттік қолдау құралдарымен танысты.

Курс аяқталғаннан кейін атаулы сертификаттар беріледі, олардың болуы «ДКБ-2020» бағдарлама шеңберінде гранттық қаржыландыру конкурсына қатысуға құқық береді.

2019 жылдың 7 қарашасында Бәйкен Әшімов атындағы Петропавл теміржол көлігі колледжінің кітапханасында кітапхана меңгерушісі Г.М.Кабденовамен «Менің туым, менің Отаным» республикалық акциясы аясында Э-21 және Т-11 топ студенттері үшін патриоттық сабақ өткізілді.

Іс-шараның мақсаты: қазақстандық жастарды патриотизмге, Отанға және оның рәміздеріне деген сүйіспеншілікке тәрбиелеу, сондай-ақ қоғамда қалыптасқан мемлекеттік туды пайдалануға және орнатуға тыйым салу туралы стереотиптерді жою.

Іс-шара қонағы «NurOtan» партиясының облыстық филиалының маманы А. С. Аманжолов студенттерді мемлекеттік рәміздерді құрметтеуге және туған өлкесін, өз Отанын сүюге шақырды.

Іс-шараны өткізу барысында студенттер «Қазақстанның рәміздері – мемлекеттің ұлттық мақтанышы» атты тарихи-танымдық викторинаға белсенді қатысты. Интерактивті тақтада «ҚР Мемлекеттік рәміздері» бейнефильмі, слайдтық презентация көрсетілді.

Кітапхананың оқу залында «Бірлік пен бейбітшілік рәміздері» атты кітап көрмесі ұйымдастырылды.

2019 жылдың 07 қарашасында «Менің Туым,менің Отаным!» акциясына қолдау көрсету мақсатында жастар мен студенттер арасында Мемлекеттік Туды насихаттау және патриоттық тәрбие беру аясында Бәйкен Әшімов атындағы Петропавл теміржол көлігі колледжінде қазақ тілі мен әдебиеті оқытушыларымен салтанатты іс-шара өткізілді.

«Nur Otan» партиясының бастамасымен Қазақстанда «Менің туым, менің Отаным!» акциясы басталды. Осы күндері еліміздің барлық өңірлерінде мемлекеттік ту үшін мақтаныш сезімін насихаттау және қалыптастыру үшін патриоттық акциялар өтуде. Ту-мемлекеттің басты рәміздерінің бірі, ол халықтың егемендігі мен бірегейлігін бейнелейді.

Акцияның мақсаты: патриотизмді насихаттау, қазақстандықтардың Мемлекеттік Туға деген құрметін ояту.

Тәуелсіз Қазақстанның Мемлекеттік Туы 1992 жылы ресми түрде қабылданды. Оның авторы суретші Шәкен Ниязбеков.

Іс-шара барысында студенттерге Қазақстан Республикасының рәміздері, тудың пайда болу тарихы туралы ақпарат ұсынылды, «Қазақстан Республикасының рәміздері» атты бейнеролик көрсетілді, викторина өткізілді.

Іс-шараға қонақ ретінде Нұр Отан партиясының қалалық Саяси кеңесі Бюросының мүшесі, «Білім» бастауыш партия ұйымының төрағасы Таймуллина Шәрбан Нигановна қатысты.

«Қазақстандағы сыбайлас жемқорлық: тарих және қазіргі заман» өзекті әңгімесі студенттер арасында сыбайлас жемқорлыққа қарсы дүниетанымды насихаттау және қалыптастыру, құқықтық сананы дамыту мақсатында өтті.

Іс-шара «Ескі ағаш кескіш» туралы әңгімеден басталды. Қатысушылар келген қорытынды: адам әрдайым өз іс-әрекеттерін ұғынуы, олардың салдарын болжауы, нәтижесінде не болатынын білуі тиіс.

Солтүстік Қазақстан облысы бойынша сыбайлас жемқорлыққа қарсы қызмет инспекторы Светлана Николаевна Зайцева сыбайлас жемқорлық дегеніміз не, Сыбайлас жемқорлыққа қарсы қызметтің немен айналысатыны, сыбайлас жемқорлыққа қарсы іс-қимыл бойынша қандай іс-шаралар жүргізіліп жатқаны туралы танымдық ақпарат берді.

«Жас Отан» ЖҚ СҚОФ төрағасы Қайроллаев Абылайхан жастар арасында сыбайлас жемқорлыққа қарсы мәдениетті қалыптастыру үшін қандай жұмыстар атқаратынын айтты.

Іс-шара барысында қатысушылар 3 топқа бөлініп, әр түрлі тапсырмаларды орындады. Ребустар шешіп, бопсалау, сыбайлас жемқорлық, бюрократия, пара, қорқытып алушылық және рэкет сияқты ұғымдарға түсініктеме берді. Әр түрлі жағдайлар ойналды: ел жолдарындағы жемқорлық, жоғары оқу орындарындағы жемқорлық, медициналық мекемелердегі жемқорлық. «Сыбайлас жемқорлыққа жол жоқ!» тақырыбында жарнама дайындады.

Өзекті әңгімеге қатысушылар кітапханада сыбайлас жемқорлық туралы Заң әдебиеті ғана емес, көркем әдебиеттер де бар екенін білді. Бұл М. Е. Салтыков-Щедрин, Г. Р. Державин сияқты классиктердің шығармалары, «Властителям и судьям» өлеңі, 400 жыл бұрын «Повесть о Шемякином суде» әзіл-сықақ әңгімесі және т.б.

2019 жылы 30 қазанда «Кәсіпкерлік қызмет негіздері» факультативтік сабақтарын өткізу шеңберінде Бәйкен Әшімов атындағы Петропавл теміржол көлігі колледжінде кәсіпкерлер палатасының бизнес – тренері Елена Коняхина Б-21 тобында «Бизнес – жоспарлау» тақырыбына қонақ дәріс өткізді.

Аталған іс – шараның мақсаты – білім алушыларда кәсіпкерлік ойлауды қалыптастыру, бизнес – идеяларды генерациялау дағдыларын қалыптастыру, қаржылық сауаттылық және бизнес-жоспарлау саласындағы білімді кеңейту.

Сабақ барысында студенттер белсенділік танытып, кәсіпкерлік қызмет негіздері мен алған білімдерін тәжірибеде қолдана білулерін көрсетті.