29.03.2017
Талапкер-2017
Петропавл темір жол көлігі колледжі 2017 жылдан бастап жаңа білікті жұмысшы мамандықтары бойынша бюджеттік негізде келесі мамандарды даярлауды бастайды:
– Газ жабдықтарын пайдалану және жөндеу слесарі;
– Лифт электромеханигі.
Петропавл темір жол көлігі колледжі – осы бейіндегі мамандарды даярлайтын жалғыз оқу орны! Аталған мамандық бойынша оқуды тәмамдаған түлектер еңбек нарығында талап етілетін болады.
Сіздерге қабылдау емтихандарын тапсырмай, әңгімелесу негізінде оқуға түсу үшін тамаша мүмкіндік беріліп отыр. Студенттерге стипендия мен жол жүру ақысы төленеді.
27.03.2017
Талапкерге-2017!
9 және 11 сынып негізінде оқуға түсетін талапкерлердің назарына!
Сіздерге қабылдау емтихандарын тапсырмай, сауалнама түріндегі әңгімелесу негізінде білікті жұмысшы мамандықтарын алу мақсатында колледжге түсу үшін тамаша мүмкіндік беріліп отыр.
1. Сіздердің сұрақтарға жауап беріп, сауалнаманы толтыруыңыз керек – Толтырылған сауалнаманың сканерленген нұсқасын колледждің электрондық мекенжайына жібересіз - pkgt@yandex.ru;
2. Толтырылған сауалнаманы алғаннан кейін біз сіздердің сауалнамада көрсетілуі тиіс электрондық мекенжайларыңызға (немесе сіздердің мектептеріңіздің немесе сіз көрсеткен кез келген басқа мекенжайға) сканерленген сертификат жібереміз;
3. Қабылдау комиссиясының жұмысы уақытында (2017 жылғы 01 маусымнан бастап 2017 жылғы 20 тамызға дейін) сіздер колледжге түсуге арналған құжаттар пакетін және алған сертификатты әкелулеріңіз қажет.
Сауалнаманың бланкін ОСЫ САЙТТАН жүктеп алуларыңызға болады.
27.03.2017
Талапкерге-2017!
Петропавл темір жол көлігі колледжі 2017-2018 оқу жылына қабылдау туралы хабарлайды.
Толығырақ ақпаратпен ОСЫ САЙТТА таныса аласыздар.
22.03.2017
Наурыз мерекесімен!
О, Жаратқан халқыма жігер берші,
Қыдыр ата, бақ тілер, асыл елші.
Қан жүгіріп құлпырған мына әлемге
Байтақ елім құт қонып, еркін енші.
Жыл басталды – Ұлыстың ұлы күні!
Қымбатты достар!
Сіздерді Наурыз мерекесімен шын жүректен құттықтаймыз. Келген көктем, жарқын Наурыз мерекесі сіздердің үйлеріңізге молшылық әкеліп, әл-ауқатты арттырсын, ең асыл тілектеріңізді қабыл етіп, ойлаған жоспарларыңыздың табысты орындалып, мақсаттарыңызға жетуге көмектессін.
Ең батыл шығармашылық ойларыңыздың жаңа бастамаларына шабыт, қуат, олардың тез арада іске асуын тілейміз.
18.03.2017
«Наурыз – достық мерекесі» сазды-поэзия сағаты
2017 жылғы 17 наурыз күні Петропавл темір жол көлігі колледжінде кітапхана меңгерушісі Г.М. Қабденова «Наурыз – достық мерекесі» сазды-поэзия сағатын өткізді.
Іс-шараны өткізуге Т-11 топ (сынып жетекшісі И.А. Сергеева), ДМ-11 топ (сынып жетекшісі А. М. Устинов), ПО-31 топ (сынып жетекшісі В. В. Кревень) қатысты.
Қатысушылар Наурыз – табиғаттың жаңару мерекесі, жаңа жыл, жаңа өмір, көктемнің оянуы екенін, сондай-ақ мереке жалпы адамзаттық құндылықтарды белгілеп, республика халықтарының арасында достық пен бауырмалдықты нығайтып, көне дәстүрлерді жаңғыртатынын жеткізді. Қазіргі Наурыз бұрынғы дәстүрлер сабақтастығын сақтап қалған және ұлттық мәдениетті жаңғырту жағдайында ол «заманалар жалғастығының», Қазақстан тарихы мен бүгінгі күнінің маңызды буыны болып табылады.
Іс-шараны өткізу барысында поэзия жолдары оқылды. Интербелсенді тақтада «Праздник Наурыз в Казахстане» бейнефильмі, «Наурыз» әнінің бейнебаяны, слайдтар көрсетілді.
Оқу залында «Ұлы Наурыз мерекесі» кітап көрмесі ұйымдастырылды.
