Аяулы асыл жандар!
Көңіліңді торламасын қайғы-мұң,
Аққу-қаздан арылмасын айдының.
Ақ жаулығың ақша бұлттай желбіреп,
Қуанышпен қарсы ала бер таң нұрын!
Петропавл темір жол көлігі колледжінің әкімшілігі мен кәсіптік одағы сіздерді көктемнің көркем мерекесі 8 наурызбен құттықтайды!
Нәзік жандар, көктем мерекесі, мейірім мен ілтипат мерекесі, әйелдер сүйкімділігі салтанат құрған мереке құтты болсын. Шын жүректен сіздерге бақыт, махаббат, бақ-береке тілейміз.
Әр күн жақын адамдарыңыздың ілтипаты және қамқорлығымен сіздерді қуанта берсін, өмірлеріңіз жаңа әсерлерге, жағымды көңіл-күй мен жарқын жаңалықтарға толсын.
Сізге және сіздердің отбасыларыңызға бейбіт күн мен бақыт тілейміз!
2014 жылғы 6 наурыз күні Петропавл темір жол көлігі колледжінде «Көтеріп-тасымалдағыш, құрылыс, жол машиналары мен жабдығын техникалық пайдалану» мамандығының түлектеріне дипломдар табыс етілді. 29 түлек қалыпты үлгідегі диплом алды.
Салтанатты іс-шара директордың оқу-өндірістік жұмыс жөніндегі орынбасары Г. Ш. Галимулиннің, бөлімше меңгерушісі А. У. Наяндинаның және арнайы пәндер оқытушысы В. В. Задорожныйдың сәт сапар тілеген сөзімен ашылды.
Түлектер және олардың ата-аналары әкімшілік пен педагогикалық құрамға алғыстарын білдірді.
Жолың болсын, түлек! Бүгін сені диплом алуыңмен құттықтай отыра, білім алған жылдары бойыңа сіңірген білімің мен іскерлігің еңбек қызметіңдегі сенімді тірегің болуын тілейміз!
«Өрлеу» біліктілікті арттыру ұлттық орталығы» АҚ филиалы «Солтүстік Қазақстан облысы бойынша педагогикалық кадрлардың біліктілігін арттыру институты» және Петропавл темір жол көлігі колледжі арасында ынтымақтастық туралы келісім жасалған. Шарттың мәні техникалық және кәсіптік білім мекемелері инженер-педагогикалық қызметкерлерінің біліктіліктерін арттыруға арналған қысқа мерзімдік курстар кезінде практикалық сабақтар өткізу бойынша бекітілген білім беру бағдарламаларына сәйкес бірлескен қызмет болып табылады.
2015 жылғы 4 наурыз күні Петропавл темір жол көлігі колледжінің арнайы пәндер оқытушысы Баймышева Елена Федоровна біліктілікті арттыру курстары тыңдаушылары – облыс колледждерінің арнайы пәндер оқытушылары үшін ашық сабақ өткізді.
«Қауіпті жүктерді тасымалдау кезінде болатын апатты жағдайларды жою тәртібі» тақырыбындағы сабақты өткізген кезде «Тасымалдауды ұйымдастыру және көліктегі қозғалысты басқару» мамандығының 4 курс студенттері «Жүк және коммерциялық жұмысты ұйымдастыру» пәні бойынша үздік теориялық білімдері мен тәжірибелік дағдыларын көрсетті.
Сабаққа қатысқан оқытушылар сабақтың өте оңтайлы құрылымын, кәсіби бағытталғандығын, АКТ тиімді қолданылғандығын, студенттердің жақсы дайындығы мен сабақтағы белсенділігін атап өтті.
2015 жылғы 26 ақпан күні Петропавл темір жол көлігі колледжінде педагогикалық кеңес өтті.
Педагогикалық кеңесте келесі мәселелер қарастырылды:
1. Педагогикалық ұжым жұмысының 2014-2015 оқу жылының 1 семестріндегі қорытындылары және 2 семестріндегі міндеттері;
2. Жалпы гуманитарлық пәндер сабақтарында студенттердің танымдық қызметін жандандыру жолдары;
3. Колледж студенттерінің аутодеструктивті мінез-құлқының алдын алу.
2015 жылғы 23 ақпан күні Петропавл темір жол көлігі колледжі кітапханасының оқу залында кітапханашы Г. М. Қабденова қазақ халқының салт-дәстүрлеріне арналған «Ғасырлық салт-дәстүрлерді жаңғыртамыз» атты ұлттық мәдениет сағатын өткізді.
Іс-шара өткізуге В-11 және Л-11 топ оқушылары қатысты.
Өнер көрсеткендер жастардың ұлттық мәдениетке қызығушылығы артып келе жатқанын атап өтіп, қазақ отбасындағы дәстүрлер туралы, қоғамда өзін-өзі ұстау әдебі, қазақ халқының «Қызкөру», «Құда түсу», «Үйлену той», «Отаукөтеру», «Қалжа», «Тұсаукесу» сияқты ұрпақтан ұрпаққа беріліп келе жатқан жол-жоралары жайлы әңгімелеп берді.
Интерактивтік тақтада қазақ күйімен сүйемелдене отырып, қазақ халқының салт-дәстүрлері туралы слайдтар, «Қызқуу»,бәйге, тоғызқұмалақ және т.б. қазақ халқының ұлттық ойындары туралы қысқа метражды фильмдер көрсетілді.
Оқу залында «Халық даналығының көзі» кітап көрмесі дайындалды.