ҚАЗ ❘ РУС
Сенім телефондары






03.02.2026
«Сезіну, түсіну, басқару» психологиялық тренингі

2026 жылғы 3 ақпанда Петропавл машина жасау және көлік колледжінде эмоционалдық интеллектті дамытуға, сондай-ақ өз эмоцияларын сезіну, оларды түсіну және басқа адамдардың эмоционалдық күйін ұғыну дағдыларын қалыптастыруға бағытталған психологиялық тренинг өткізілді. Сабақ барысында студенттермен эмоциялар мен сезімдер ұғымдары, олардың пайда болу себептері, эмоционалдық күйлерді тану тәсілдері, сондай-ақ эмоциялардың мінез-құлыққа, қарым-қатынасқа және шешім қабылдауға әсері талқыланды. Тренинг аясында метафоралық ассоциативті карталармен жұмыс жүргізілді. Бұл жұмыс қатысушылардың өз эмоционалдық күйлерін тереңірек сезініп, түсінуіне, сондай-ақ эмоционалдық сөздік қорын кеңейтуге бағытталды. Сабақтың негізгі бөлігі терапиялық арт-жаттығу болды. Қатысушыларға белгілі бір эмоция беріліп, салынған суреттер шеңбер бойынша бір-біріне беріліп отырды. Әр қатысушы суретке өз қабылдауы мен сезімін білдіретін элементтерді қосты. Бұл жаттығу эмоционалдық сезімталдықты дамытуға, түрлі көзқарастарды қабылдауға және топтық қолдауды сезінуге ықпал етті. Тренинг соңында студенттер өз әсерлері мен түсініктерімен бөлісіп, мұндай жұмыс форматы өзін және өзгелерді жақсырақ түсінуге көмектесетінін, сондай-ақ топта сенімді әрі қауіпсіз атмосфера қалыптастыруға ықпал ететінін атап өтті.

01.02.2026
Жеңімпаздарды құттықтаймыз!

2026 жылғы 31 қаңтар – 1 ақпан аралығында Петропавл қаласында қысқы дрифт бойынша Қазақстан кубогының екінші кезеңі өтті. Street класында Байкен Әшімов атындағы Петропавл машина жасау және көлік колледжінің студенттері жеңімпаз атанды. Жарыстың ең жас қатысушысы, 2-курс студенті Дроздецкий Максим 1-орынды иеленсе, 3-курс студенті Ерохин Сергей 2-орынға қол жеткізді. Жеңістеріңізбен құттықтай отырып, алдағы уақытта да толағай табыстар мен жаңа жетістіктер тілейміз!

30.01.2026
Әскери-спорттық көпсайыс бойынша облыстық онлайн спартакиада

Әскери-спорттық көпсайыс бойынша облыстық онлайн спартакиада 2026 жылғы 27–30 қаңтар аралығында Байкен Әшімов атындағы Петропавл машина жасау және көлік колледжінің студенттері Солтүстік Қазақстан облысының ТжКБ ұйымдарына қарасты балалар-жасөспірімдер клубтарының тәрбиеленушілері арасында өткен әскери-спорттық көпсайыс бойынша облыстық онлайн спартакиадаға қатысты. Байкен Әшімов атындағы Петропавл машина жасау және көлік колледжінің командасы жүлделі III орын иеленді. Команда құрамында: Бубняк Дмитрий – Д-21 тобы; Мерц Кирилл – В-11 тобы; Терещенко Егор – Л-21 тобы; Соловей Родион – СР-11 тобы; Кашникова Диана – Д-11 тобы; Петренко Екатерина – Д-11 тобы; Пономарева Дарья – Д-11 тобы.

30.01.2026
«Менің қауіпсіз интернетім»

2026 жылғы 30 қаңтарда Байкен Әшімов атындағы Петропавл машина жасау және көлік колледжінде «Психологиялық қауіпсіздіктің 10 күні» челленджі аясында студенттермен интернеттегі қауіпсіз мінез-құлық тақырыбына арналған кездесу өтті. Қатысушылар цифрлық кеңістікте өзіне ұқыпты қарау жолдарын, психологиялық қауіпсіздікті сақтауға көмектесетін ережелерді және онлайн-контентке сыни көзқараспен қараудың маңыздылығын талқылады. Практикалық бөлім ерекше қызығушылық тудырды: жасанды интеллект көмегімен студенттер қауіпсіз интернет тақырыбында мемдер мен постерлер жасады. Шығармашылық формат материалды жақсы меңгеруге мүмкіндік беріп қана қоймай, көңіл күйді көтеріп, талқылауға юмор мен белсенділік қосты.

29.01.2026
«Полигонға жол жоқ» викторинасы

2026 жылғы 29 қаңтарда колледжде Ядролық соғысқа қарсы бүкіләлемдік жұмылдыру күніне орай «Полигонға жол жоқ» атты викторина өтті. Іс-шараның мақсаты – студенттерде қазақстандық патриотизм сезімін қалыптастыру, соғыс пен зорлық-зомбылықты қабылдамауға тәрбиелеу, сондай-ақ белсенді азаматтық ұстаным мен болашаққа жауапкершілік сезімін дамыту болды. Викторинаға колледж клубтарының командалары қатысты: «Саналы ұрпақ», «Лидер», «Экологиялық денсаулық соқпағы». Ойын бағдарламасы зияткерлік және шығармашылық кезеңдерді қамтып, қатысушыларға өздерінің білімін, командалық рухын және креативтілігін көрсетуге мүмкіндік берді. Студенттер ядролық дәуір тарихының маңызды беттерін еске алды: Семей ядролық полигонының ашылуынан бастап, оның аумағындағы соңғы ядролық құрылғының жойылуына дейінгі кезеңдерді талқылады. Викторинаның барлық кезеңдерінің қорытындысы бойынша «Экологиялық денсаулық соқпағы» экоклубының командасы жеңімпаз атанды, ІІ орынды дебат клубының «Лидер» командасы, ІІІ орынды құқықтық клубтың «Саналы ұрпақ» командасы иеленді. Іс-шара қызығушылық пен еркін пікір алмасу атмосферасында өтіп, студенттерге бейбітшілік, бірлік және әрбір адамның планета тағдыры үшін жауапкершілігі қаншалықты маңызды екенін тағы бір мәрте еске салды.

Страница 43 из 475