ҚАЗ ❘ РУС
Сенім телефондары






19.05.2026
«Жазғы кезеңдегі цифрлық ортада және қоғамдық орындарда қауіпсіз мінез-құлық негіздері және жеке деректерді қорғау» тақырыбында бірың

2026 жылғы 19 мамырда Б.Әшімов атындағы Петропавл машина жасау және көлік колледжінде «Жазғы кезеңдегі цифрлық ортада және қоғамдық орындарда қауіпсіз мінез-құлық негіздері және жеке деректерді қорғау» тақырыбында бірыңғай жеке қауіпсіздік сабағы өтті. Іс-шара барысында студенттер интернеттегі және қоғамдық орындардағы қауіпсіз мінез-құлық ережелерін талқылап, жеке деректердің таралуына байланысты қауіптерді, интернет-алаяқтық, кибербуллинг және желідегі бейтаныс адамдармен қарым-қатынас жасау мәселелерін қарастырды. Жеке жауапкершілік, заң талаптарын сақтау және адамдар көп жиналатын орындардағы қауіпсіз мінез-құлық мәселелеріне ерекше назар аударылды. Практикалық бөлімде білім алушылар өмірлік жағдайларды талдап, дұрыс әрекет ету алгоритмдерін ұсынды. Сабақ цифрлық сауаттылықты арттыруға, өз қауіпсіздігіне жауапкершілікпен қарауды қалыптастыруға және жеке деректерді қорғауға ықпал етті.

19.05.2026
АИТВ/ЖИТС-тің алдын алу бойынша дәріс

2026 жылғы 19 мамырда Байкен Әшімов атындағы Петропавл машина жасау және көлік колледжінде АИТВ/ЖИТС-тің алдын алу бойынша дәріс өткізілді. Спикер ретінде АИТВ инфекциясының алдын алу жөніндегі облыстық орталықтың эпидемиолог дәрігері Жусупова Дана Кайратовна сөз сөйледі.

Дәріс барысында студенттерге АИТВ инфекциясының шығу тегі, вирустың берілу жолдары, алдын алу шаралары және өз денсаулығына жауапкершілікпен қараудың маңыздылығы туралы ақпарат берілді. Сонымен қатар, АИТВ жұқтырған адамдарға қатысты толық құпиялылықты сақтау және кемсітушілікке жол бермеу мәселелеріне ерекше назар аударылды.

Студенттер өздерін және айналасындағыларды қорғау жолдары туралы пайдалы мәлімет алып, маманға өздерін қызықтырған сұрақтарын қою мүмкіндігіне ие болды. Осындай кездесулер жастардың ақпараттық сауаттылығын арттырып, денсаулықты сақтауға деген саналы көзқарасты қалыптастыруға ықпал етеді.

19.05.2026
Ескерту сабағы: «Жалған үміттің күлі»

2026 жылдың 19 мамырында и. Шухов атындағы Орталық қалалық кітапхананың қызметкері Сания Латиеновна Досщанова Байкен Әшімов атындағы Петропавл машина жасау және көлік колледжінің студенттеріне "Жалған үміттің күлі" ескерту сабағын өткізді. Іс-шара темекі шегудің алдын алу айлығы аясында Дүниежүзілік темекісіз күнге арналды. Интерактивті әңгіме барысында келесі мәселелер талқыланды: никотинге тәуелділіктің пайда болуы және оның адам ағзасына теріс салдары, темекі шегудің зияны және темекі шегудің баламасы ретінде салауатты өмір салты факторлары.

19.05.2026
Ішкі тыныштық – менің жан дүниемде

2026 жылғы 19 мамырда Байкен Әшімов атындағы Петропавл машина жасау және көлік колледжінде «Тыныштық — менің күшім» психологиялық апталығы аясында «Ішкі тыныштық – менің жан дүниемде» атты шағын тренинг өткізілді. Іс-шараның мақсаты – студенттердің өз эмоционалдық жағдайын сезіну дағдыларын дамыту, ішкі тыныштық ресурсын қалыптастыру және өзін-өзі реттеу тәсілдерін меңгерту болды.

Тренинг барысында студенттер метафоралық ассоциативті карталармен жұмыс жасап, өздерінің ішкі тыныштық күйін тереңірек сезініп, оны түсінуге мүмкіндік алды. Арт-терапия элементтері арқылы қатысушылар өздерін жайлы, қауіпсіз әрі сенімді сезінетін кеңістікті – қиын сәттерде ойша қайта оралуға болатын өздерінің «күш-қуат орнын» бейнеледі.

19.05.2026
«Поэзия жанрының шебері» буклеті

2026 жылғы 19 мамырда Байкен Әшімов атындағы Петропавл машина жасау және көлік колледжінің кітапханасы «Оқу колледжі» тұжырымдамасы аясында О.Сүлейменовтің туғанына 90 жыл толуына арналған «Поэзия жанрының шебері» атты буклетті назарларыңызға ұсынады. Олжас Сүлейменов — көрнекті қазақстандық ақын, жазушы және қоғам қайраткері. Оның шығармашылығы тарихты, философияны және ұлттық мәдениетті тоғыстырады. Ал «Аз и Я» поэмасы тіл, мәдениет және ұлттық болмыс туралы терең ойлардың символына айналды. Сүлейменовтің шығармалары мен қоғамдық қызметі ұрпақты туған жерді сүюге, тілді сақтауға және әлемге ашық көзқараспен қарауға шабыттандырады.

Страница 17 из 475